Հերթական շտապ վիրահատությունից հետո նա հոգնաբեկ վերադարձավ աշխատասենյակ` շարունակելու մեր ընդհատված զրույցը:
-Լա՛վ է, վիրահատությունը հաջող անցավ, հիվանդը կապրի,-հետո խորհեց,-բժշկի կյանքն անվերջ կռիվ է կյանքի համար,-շեշտեց,-մարդու՛ կյանքի համար,-ապա հանդարտվեց,-լավ, թողնենք փիլիսոփայելը, ինչի՞ց սկսենք: Անցյալը փորփրել չեմ սիրում, բայց ձեզնից` լրագրողներիցդ, ազատվել կլինի՞…Ինչի՞ց սկսենք…

Արսեն Հացագործյանին հանդիպեցի 1980թ., Երևանում: Անհատական թոշակառու էր: Մեկ տարի էր մնացել, որ լրացներ մեկ դարը: Նա այն հազվագյուտ ողջ մնացած վանեցիներից էր, որոնց գլխով եկել-անցել էին շատ արհավիրքներ: 1979 թվականին հրատարակվել է նրա «Գոյատևում» հուշապատումը, որը նվիրված է Վանի ապրիլյան հերոսամարտին: Տպագրության էր պատրաստել «Իմ կյանքի պատմությունը» երկհատորյակը և բանաստեղծությունների ժողովածուն: Հայոց Մեծ եղեռնի 100-ամյա տարելիցի առթիվ ընթերցողներին, անշուշտ, կհետաքրքրի Մեծ եղեռնից մազապուրծ Արսեն Հացագործյանի զրույցը, որն ավելի շատ նման էր մենախոսության:

Սերգեյ Հովսեփի Ավագյանցը ծնվել է 1957թ. ապրիլի 6-ին Երևանում, ԽՍՀՄ ռազմածովային նավատորմի սպայի ընտանիքում: 1980թ. ավարտել է Պ. Նախիմովի անվան Սևծովյան բարձրագույն ռազմածովային ուսումնարանը, ԽՍՀՄ նավատորմի ծովակալ Ն.Գ. Կուզնեցովի անվան Ռազմածովային ակադեմիան, ՌԴ ԶՈՒ Գլխավոր շտաբի ռազմական ակադեմիան: Ծառայել է Հյուսիսային և Սևծովյան նավատորմերում:

1798 թ.-ին Նապոլեոնը՝ 24-ամյա երիտասարդ գեներալը, իր զորքի հետ Եգիպտոսում էր: Սպաների կանանց արգելված էր գործող բանակում լինել: Այսուհանդերձ, գասկոնացի սպա Ֆուրեսի կինը՝ Պոլինան, տղամարդու զգեստ հագած, ֆրանսիական նավերից մեկով ամուսնու ետեւից ժամանում է Եգիպտոս:
Երբ Բոնապարտին զեկուցում են սկանդալային պատահարի մասին, նա այնքան է կատաղում, որ հրամայում է ճիպոտահարել կարգազանցին ու ամուսնու հետ ուղարկել Ֆրանսիա: Փոքր-ինչ հանդարտվելուց հետո Նապոլեոնը հրամայում է մարմնական պատիժ չկիրառել, բայց մեկնելուց առաջ ամուսիններին ներկայացնել իրեն՝ ինչպես հարկն է շշպռելու համար:

Դեկտեմբերի 3-ին` Հաշմանդամների միջազգային օրվա կապակցությամբ, ՀՀ պաշտպանության նախարար Սեյրան Օհանյանը և պաշտպանական գերատեսչության մի շարք բարձրաստիճան ներկայացուցիչներ այցելել են «Լեռնային Հայաստան» առողջարան` ականատեսը լինելու զինհաշմանդամների մասնակցությամբ ընթացող սեղանի խաղերի մրցաշարի եզրափակիչ փուլին:

Շարքային Կարեն Թորոսյանը դեռևս նախապատրաստական գումարտակի զինվոր է: Հիմնականում նա է պատրաստում պատի թերթը, գրում հոդվածներ, երգիծական մանրապատումներ, միջոցառումների ժամանակ հանդես գալիս զվարճալի ծրագրերով: Փոքր հասակից հրապուրվելով զինվորական ծառայությամբ, նա ուսումը շարունակել է «Տիգրան Մեծ» ռազմամարզական վարժարանում, որն ավարտելուց հետո լրագրություն է սովորել «Ֆես հաուս» միջազգային ուսումնական կենտրոնում, աշխատել «Արմնյուզ» հեռուստաընկերության «Արմկոմեդի» հումորային հաղորդաշարում:

Շարքային Սմբատ և Գուրգեն Եղոյան զույգ եղբայրներին ներկայացնում են որպես օրինակելի զինվորների: Նրանք կարգապահ են, հրամանները կատարելու հարցում պատրաստակամ, դասերը պատրաստում են ժամանակին, ազնիվ ու անկեղծ են ընկերների հետ:
-Չեմ ուզում առանձնացնել մյուսներից, բայց, իրոք, հրաշալի զինվորներ են, ծառայում են գիտակցաբար,- ասում է գումարտակի հրամանատարի ԱՀՏԱ գծով տեղակալ մայոր Հ. Նարիմանյանը և հեռանում, որպեսզի մենք առանձին զրուցենք: