ՊԱՇՏՊԱՆՈՒԹՅԱՆ ՆԱԽԱՐԱՐԻ ԱՅՑԸ ԿԵՆՏՐՈՆԱԿԱՆ ԿԼԻՆԻԿԱԿԱՆ ԶԻՆՎՈՐԱԿԱՆ ՀՈՍՊԻՏԱԼ

Փետրվարի 7-ին ՀՀ պաշտպանության նախարար Վիգեն Սարգսյանն այցելել է ՀՀ ՊՆ կենտրոնական կլինիկական զինվորական հոսպիտալ: Նախարարը ծանոթացել է տեխնիկապես վերազինված բաժանմունքների պայմաններին և հնարավորություններին, բարձրակարգ բուժսպասարկման ապահովման նպատակով հոսպիտալում իրականացված աշխատանքներին։ Նախարարին ներկայացրել են նաև ձեռքբերված արդի բուժսարքավորումներն ու ռեանոմոբիլները։

Այցելության ընթացքում պաշտպանության նախարարը հանդիպել է բուժվող զինծառայողների հետ, հետաքրքրվել նրանց առողջությամբ և մաղթել շուտափույթ ապաքինում: