Language:

  • Հայերեն
  • Русский
  • English

Տարածաշրջան

ԼՐՏԵՍԱԿԱՆ ԿՐՔԵՐ

Իրանի հետախուզության ղեկավար Հեյդար Մոսլեխին հայտարարել է երկրում ամերիկյան լրտեսների խոշոր ցանցի բացահայտման մասին: Իրանի հետախուզական և հակահետախուզական օղակների ձեռնարկած միջոցառումների արդյունքում մոտ 30 մարդ է ձերբակալվել, ովքեր ղեկավարվել են ԿՀՎ-ի կողմից: Associated Press-ը նշում է, որ իրանական հաղորդագրության համաձայն` իրանցիների հավաքագրմանը մասնակցել են ԱՄԷ-ում, Մալայզիայում և Թուրքիայում ԱՄՆ դիվանագիտական ներկայացուցչությունները:

ՄԵԾ ԲՐԻՏԱՆԻԱՆ ԼՔՈՒՄ Է ԻՐԱՔԸ

Մեծ Բրիտանիան ավարտել է իր զինված ուժերի դուրսբերումը Իրաքից: Բրիտանացի զինվորականների դուրսբերումն սկսվել էր 2009թ. մարտի 31-ին: Այս տարվա մայիսի դրությամբ Իրաքում մնացել էին միայն Մեծ Բրիտանիայի Թագավորական նավատորմի ներկայացուցիչներ` հրահանգիչների կարգավիճակով, որոնք ուսուցանում և մարզում էին իրաքցի նավաստիներին: Այժմ նրանք էլ են վերադարձել տուն, և բրիտանացի զինվորականներ Իրաքում մնացել են միայն Բաղդադում Մեծ Բրիտանիայի դեսպանատանը աշխատելու համար:

ԻՐԱԿԱՆ ՍՊԱՌՆԱԼԻՔ ՄԻԱՅՆ 2015Թ. ՀԵՏՈ

Հակահրթիռային պաշտպանության (ՀՀՊ) ամերիկյան համակարգի ծավալումը ՌԴ ատոմային զսպման ուժերի համար իրական սպառնալիք կդառնա 2015թ. հետո: Այդ մասին հայտարարել է ՌԴ զինված ուժերի գլխավոր շտաբի օպերատիվ վարչության պետ Անդրեյ Տրետյակը: Այդ թվականին կավարտվեն ՀՀՊ համակարգի ստեղծման առաջին և երկրորդ փուլերը, և իրական հնարավորություն կառաջանա ռուսական միջմայրցամաքային հրթիռների և սուզանավերի հրթիռների խոցման համար: Կարդիականացվեն ամերիկյան հակահրթիռները, […]

ՌԴ Տամբովի մարզի Միչուրինսկ քաղաքի 10-րդ դասարանցի Ալեքսանդր Բարաբանովը առաջին տեղն է գրավել «Սուխոյ» կոնստրուկտորական բյուրոյի և Մոսկվայի ավիացիոն ինստիտուտի (ՄԱԻ) կազմակերպած ավիացիայի 7-րդ օլիմպիադայում` առաջարկելով ռեկորդային հեռահարության ռազմավարական ռմբակոծիչի նախագիծ: Մրցութային հանձնաժողովը որոշել է հաղթողին առանց քննության ընդունել ՄԱԻ` «Ինքնաթիռների նախագծում» ամբիոնում ուսանելու:

Չինաստանն ապշեցուցիչ արագությամբ արդիականացնում է և կատարելագործում իր մարտական ավիացիան: Վերջերս նրանք արդիականացրին նախկին խորհրդային ևս երկու ինքնաթիռ` Ту-16-ը և H-6K-ն` «նոր նմուշի հրթիռի հետ միասին»:
Չինաստանն ունի ավելի քան 3000 միավոր մարտական և օժանդակ ինքնաթիռ և ունակ է ոչ միայն լուծելու սեփական տարածքի հակաօդային պաշտպանության խնդիրը, իր տարածքում աջակցելու ցամաքային զորքերին, այլև հարվածներ հասցնելու սեփական տարածքից դուրս գտնվող հեռավոր թիրախներին, այդ թվում` ծովային:

Ադրբեջանի պաշտպանության նախարարությունը երկարաձգել է հարավաֆրիկյան «Paramount Group» ընկերության հետ կնքած պայմանագիրը զրահափոխադրիչների համատեղ արտադրության վերաբերյալ: Պայմանավորվածության համաձայն` մինչև 2012թ. վերջը Բաքվում կարտադրվեն 30-ական «Marauder» և «Matador» տեսակի զրահամեքենաներ, որոնք օժտված են հակաականային պաշտպանությամբ: Իսկ մինչև այս տարվա վերջը կարտադրվի 2009թ. պայմանագրով նախատեսված 50 զրահափոխադրիչների վերջին խմբաքանակը` 20- մեքենա:

Գերմանական «Die Well» թերթը պնդում է, որ Իրանը Վենեսուելայում` Պարագուանա թերակղզում, կառուցում է հրթիռային գաղտնի ռազմակայան: Իբր, իրանցիները ռազմակայանի համար անհրաժեշտ տասնյակ միլիոնավոր դոլարները բերել են կանխիկ: Իբր, այնտեղ արդեն եղել են իրանական «Khatam al-Anbia» ընկերության ինժեներները և Իսլամական հեղափոխության պահապանների կորպուսի ՌՕՈՒ հրամանատար Ամիր ալ Հաջիզադեն: