Language:

  • Հայերեն
  • Русский
  • English

Պատմության էջերից

ԹՈՒՆԱՎՈՐ ՆՐԲԵՐՇԻԿ ԵՎ ՄԱՀԱԲԵՐ ԳՈՏԵՃԱՐՄԱՆԴ. ՀԵՏՊԱՏԵՐԱԶՄԱԿԱՆ ՔԱՈՍԻ ՆԱՑԻՍՏԱԿԱՆ ԾՐԱԳՐԵՐԸ

MI-5-ի (Military Intelligence-Միացյալ Թագավորության անվտանգության ծառայությունը. ռազմական հակահետախուզության 5-րդ վարչություն) հրապարակած փաստաթղթերը խոսում են այն մասին, թե ինչ խորամանկությունների էին դիմում նացիստական գիտնականները` փորձելով խոչընդոտել դաշնակիցների հաջող առաջխաղացմանը: Երբ երևացին պարտության առաջին նախանշանները, իրենց ցնորային գաղափարներին կուրորեն նվիրված նացիստներն սկսեցին հետպատերազմյան խառնաշփոթ ստեղծելու ծրագրեր կազմել. ասենք` թունավոր շոկոլադի և սուրճի տարածում, մանրէաբանական պատերազմ, ընդհատակյա կառույցների ստեղծում, որ Երրորդ ռայխի ավերակների վրա` Չորրորդ ռայխի շինարարությամբ պիտի զբաղվեին, գրում է The Times-ը: Ձերբակալված գերմանացի գործակալները հարցաքննությունների ժամանակ պատմում էին դաշնակից երկրների հայտնի գործիչների նկատմամբ ծրագրված մահափորձերի և ահաբեկչական գործողությունների մասին:

ՎԵՐՄԱԽՏԻ ԶԻՆՎՈՐՆԵՐԻ ԲՌՆՈՒԹՅՈՒՆՆԵՐԸ

Ինչպես գրում է Frankfurter Allgemeine Zeitung-ը, Ռեգինա Մյուլհոյզերի մասնագիտական գործունեության ոլորտը ռազմական հակամարտությունների ժամանակ տեղի ունեցող սեռական բռնությունների ուսումնասիրությունն է: Նա ուսումնասիրել է զավթված տարածքներում (այդ թվում նաև ԽՍՀՄ) կանանց նկատմամբ վերմախտի զինվորների կատարած բռնության դեպքերը: 2010 թվականին լույս տեսավ նրա` «Զավթումներ. 1941-1945 թթ. Խորհրդային Միությունում գերմանացի զինվորների սեռական բռնություններն ու սեռական կապերը» գիրքը:

Գերմանական Tagesspiegel թերթն անդրադարձել է Ֆիդել Կաստրոյի ռեժիմի տապալման՝ 1961 թվականի Ամերիկայի Միացյալ Նահանգների ձախողված փորձին:
Հոդվածագիր Թոնի Քեփլերը պատմում է, որ 1960-ականների սկզբներին Կուբայի ուղղությամբ սկսեց հեռարձակվել Radio Swan կայանը, որ ֆինանսավորվում էր ամերիկացիների կողմից: Բացի նորություններից և երաժշտական ծրագրերից, այն հաճախ հեռարձակում էր նաև գաղտնագրված հաղորդագրություններ, որ հասցեագրված էին Կուբայի` թշնամաբար տրամադրված ընդդիմությանը:

ԹՇՆԱՄԻՆ ԱՆՑԱՎ ՀԱԿԱՀԱՐՁԱԿՄԱՆ

Նոյեմբերի 25-26-ին ազատագրվեցին Խուդաֆերինի կամրջի մերձակա ադրբեջանական լավ ամրացված հենակետերը: Այդ դժվարին գործողությունն Արցախի հարավարևելյան սահմանների ազատագրման վերջին արարն էր: Վերջին գիշերը թշնամին առանց կռվի թողել էր դիրքերը. Կամրջից քիչ հեռու տնակ կար, որում Իրանից բերված հոսանքի լարով լույս էր վառվում: Երբ մարտիկները ոտք դրեցին կամրջին, այդ լույսն էլ հանգեց՝ ազդարարելով ԼՂՀ հարավում ադրբեջանական բանակի ներկայության անդառնալի անցյալ լինելը:
Իրական պաշտպանություն թշնամին կազմակերպեց Բեյլագանի (Ժդանովի) շրջանի սահմանագլխին, թեև այստեղ էլ մի շարք կարևոր հենակետեր կորցրեց, որոնց վերատիրացավ 94-ի հունվարի սկզբին, աֆղան մոջահեդների օգնությամբ ձեռնարկված լայնածավալ հարձակման արդյունքում, որը, սակայն, արագորեն կասեցվեց, և, ի վերջո, ավարտվեց առ այսօր պահպանվող մայիսյան հաղթական զինադադարի հաստատմամբ:

Աննա Ասլանը (1897-1988, Ասլանյան) ռումինահայ գիտնական-գերոնտոլոգ (ծերաբան) է, Ռումինիայի բժշկական գիտությունների ակադեմիայի ակադեմիկոս, Նյու Յորքի ԳԱԱ անդամ, Բուխարեստի ծերաբուժության ինստիտուտի ղեկավար։ Վաղաժամ ծերացումը կանխելու նպատակով առաջարկել է «Գերովիտալ H3» պատրաստուկը։ Ինքն օգտագործել է այդ պատրաստուկը, թե ոչ, մենք չգիտենք, բայց Աննա Ասլանն ապրել է 91 տարի։ Նրա անվան մրցանակ կա, շնորհվում է բժշկության բնագավառում աչքի ընկածներին։ Աննա Ասլանի անունը քանդակված է Հունաստանում՝ բժշկության հայր Հիպոկրատի մարմարե հուշարձանին։

Ստեփան Իսայու Քալանթարյան(ց)ը ծնվել է 1849թ. նոյեմբերի 4-ին Այգեհովիտ գյուղում (Իջեւան)։ 1869թ. ընդունվում է Պետերբուրգի կայսերական բժշկավիրաբուժական ակադեմիան։ 4-րդ կուրսում ակադեմիայի պրոֆեսորների թույլտվությամբ ձեւակերպվում է աշխատանքի գործնական անատոմիայի ամբիոնում։ 1874թ. վերջին ավարտական քննության ժամանակ, համակուրսեցիներից մեկի անզգուշության պատճառով, որին Քալանթարյանցը օգնում էր դիահերձում կատարելու, նա վերք է ստանում եւ վարակվում դիաթույնով։ Երկու ամիս կլինիկական հոսպիտալում բուժվելուց հետո շարունակում է ջանադրաբար պարապել եւ հաջողությամբ հանձնում է ավարտական քննությունը։ Որպես բժիշկ` գործուղվում է ծառայության 84-րդ հետեւակային Շիրվանյան գունդ։

ՎԻԵՏՆԱՄԱԿԱՆ ՊԱՏԵՐԱԶՄ

Վիետնամի պատերազմը ԱՄՆ-ի դեմ սկսվել է 1961թ. և ավարտվել 1975թ. ապրիլի 30-ին: Վիետնամցիներն այն կոչում են Ազատագրական կամ Ամերիկյան պատերազմ, որը ամերիկացիներն իրենց երկրի պատմության ամենամութ էջն են համարում, և որն էլ իր հերթին Վիետնամի պատմության երևի թե ամենահերոսական ու ողբերգական էջն է: Վիետնամական պատերազմը միաժամանակ և քաղաքացիական պատերազմ էր ներսի զանազան քաղաքական ուժերի միջև, ինչպես նաև զինված պայքար ամերիկյան բռնազավթման դեմ: