Language:

  • Հայերեն
  • Русский
  • English

#46 (1064) 27.11.2014 – 3.12.2014

ԱՆՊԱՐՏԵԼԻՆԵՐԸ

ՄԵՐ ՀԵՏԱԽՈՒՅԶՆԵՐԸ ՊԱՏՐԱՍՏ ԵՆ ՑԱՆԿԱՑԱԾ ԻՐԱՎԻՃԱԿՈՒՄ
ՀԱՍՆԵԼ ՀԱՋՈՂՈՒԹՅՈՒՆՆԵՐԻ, ՍՏԵՂԾԵԼ ԶՍՊՄԱՆ ՄԵԽԱՆԻԶՄՆԵՐ ՀԱԿԱՌԱԿՈՐԴԻ ԿԱՄ ԱՅՆ ՀԱՐԵՎԱՆՆԵՐԻ ՀԱՄԱՐ, ՈՐ ԿՓՈՐՁԵՆ ՍԱԴՐԱՆՔ ԿԱԶՄԱԿԵՐՊԵԼ:

ՀԱՏՈՒՑՈՒՄՆ ԱՌՋԵՎՈՒՄ Է

Այդ գործողությունը բացառիկ էր նախ և առաջ իր գաղտնիությամբ: Գործողությունը տևել է 10 օր` ծրագրելու և նախապատրաստական աշխատանքներով հանդերձ: Գործողությունը բացառիկ էր նաև իր բարդությամբ: Հայկական ուղղաթիռի անկման վայրը ավելի մոտ էր ադրբեջանական դիրքին: Տարածքը ականապատված էր և՛ հայկական, և՛ ադրբեջանական կողմից: Ադրբեջանցիները հնարավոր ամեն բան արել էին գործողությունը խափանելու համար, և հակազդեցությունը շատ մեծ էր: Գործողությունը կատարվեց եղանակային շատ վատ պայմաններում, երբ նույնիսկ տեսանելիության սարքերը չէին աշխատում:

ԱՆՆԱԽԱԴԵՊ ՀՐԱՄԱՆ, ԱՆՆԱԽԱԴԵՊ ԳՈՐԾՈՂՈՒԹՅՈՒՆ

Ինչ ասել է` հատուկ նշանակության գործողություն, և ինչպես են հայ հետախույզները տարհանել ԼՂՀ ԶՈՒ խոցված ուղղաթիռի անձնակազմի մարմիններն ու անհրաժեշտ իրեղեն ապացույցները: Մեր թղթակից, կապիտան Շուշան Ստեփանյանին մանրամասներ է ներկայացրել ՀՀ ԶՈՒ ԳՇ հետախուզության վարչության պետ, գեներալ-մայոր ԱՐՇԱԿ ԿԱՐԱՊԵՏՅԱՆԸ:

Անխոցելիները

Նոյեմբերի 22-ն է: Հատուկ նշանակության զորամասը մի քանի ժամով վերածվել է ռազմադաշտի. նշվում է ազգային բանակի Հետախույզի օրը: Միջոցառմանը ներկա են ՀՀ պաշտպանության նախարար Սեյրան Օհանյանը, ՀՀ ԶՈՒ ԳՇ պետ, գեներալ-գնդապետ Յուրի Խաչատուրովը, հետախուզության վարչության պետ, գեներալ-մայոր Արշակ Կարապետյանը, պաշտպանության նախարարի և ԳՇ պետի տեղակալներ, բարձրաստիճան սպաներ, հյուրեր:

ԱՌԱՆՑ ՓԱՌՔԻ ԻՐԱՎՈՒՆՔԻ

Որքան կուզեի ցույց տալ նյութիս հերոսի դեմքը, որքան կուզեի պատմել նրա սխրագործությունների մասին.. Բայց միայն անունը կարող եմ բարձրաձայնել՝ Նորայր: Ափսոս՝ չեմ կարող ասել ո՛չ նրա ազգանունը, ո՛չ ծննդյան վայրը, ո՛չ տարեթիվը, օրը.. Նրա կյանքի եւ ծառայության մանրամասները գաղտնի են պահվում… Նա հետախույզ է, հատուկ նշանակության վաշտի հրամանատար, լավագույններից մեկը հայոց բանակում, հատուկ առաջադրանքների անթերի կատարման վարպետ: Հետախույզների այս կարգախոսը` «Վասն հայրենյաց, բայց առանց փառքի իրավունքի», պարտադրում է ներկայացնել միայն նրա մտորումները ծառայության մասին:

ԴՈՒՔ ՀՊԱՐՏՈՒԹՅՈՒՆ ՊԱՐԳԵՎԵՑԻՔ ԱՄԵՆ ՀԱՅԻ

Հայաստանում, ինձնից հազարավոր կիլոմետրեր հեռու կատարվող իրադարձությունները ոչ մի հայի հոգում, որտեղ էլ նա գտնվի, չեն կարող անսահման ցավի, տագնապի եւ հպարտության զգացումներ չառաջացնել: Ցավ` երիտասարդ հերոս մեր օդաչուների համար, տագնապ` մեր թշնամու, այո՛, հենց թշնամու եւ ո՛չ հակառակորդի, նենգ ու տմարդի պահվածքի համար, հպարտություն` մեր բանակի, մեր զինված ուժերի այն քաջ տղաների ու տաղանդավոր հրամանատարների համար, որ փրկեցին մեր ժողովրդի ու մեր բանակի պատիվը` թշնամու քթի տակից դուրս բերելով իրենց ընկերների մարմինները… Հավատացե՛ք, հեռվից ցավն ու հպարտությունը տասնապատիկ խորն ես զգում:

Ավագ լեյտենանտ Ա. Խաչատրյան

Սահմանի այս հատվածը հսկող առաջապահ ստորաբաժանումները բազում փորձությունների են դիմակայել: Հակառակորդն այստեղ տասնյակ անհաջող դիվերսիոն-խափանարար գործողություններ է կատարել և ծանր կորուստներ կրելով` ետ շպրտվել:
Զորամասի հրամանատար, գնդապետ Է. Ասրյանին խնդրեցինք մեզ ուղարկել այն հենակետ, որն առավել մոտ է հակառակորդի դիրքերին և վերջին դեպքերի ժամանակ եղել է իրադարձությունների կենտրոնում: Կեսօրին արդեն հենակետում էինք:
Կացարանի դիտորդը ծառայություն էր կատարում ինժեներական առումով լավ կահավորված դիրքում: Ուշադիր տնտղելով չորս կողմդ՝ կռահում ես, որ դիտորդի տեղն այնպես է ընտրված, որ իրադրության սրման դեպքում նա կարողանա տարբեր ուղղություններով արագ կրակ վարելով ապահովել անձնակազմի անվտանգ դուրսբերումը կացարանից, միևնույն ժամանակ, հասցնելով կրակային նպաստավոր դիրք զբաղեցնել: