Language:

  • Հայերեն
  • Русский
  • English

#07 (1025) 27.02.2014 – 5.03.2014

Օրերս գնդապետ Տիգրան Փարվանյանի հրամանատարությամբ գործող զորամիավորումում տեղի ունեցավ խորհրդակցություն՝ ՀՀ պաշտպանության նախարար Սեյրան Օհանյանի գլխավորությամբ, որին մասնակցում էին ՀՀ ԶՈՒ ԳՇ պետ, գեներալ-գնդապետ Յուրի Խաչատուրովը, պաշտպանության նախարարի տեղակալներ, ԶՈՒ ԳՇ պետի տեղակալներ, զորամիավորումների եւ այլ ստորաբաժանումների հրամանատարներ:

ՄՈՆԹԵԱԿԱՆՆԵՐԸ ՀԱՂԹԵԼ ԵՆ ՄԻՋԱԶԳԱՅԻՆ ՄՐՑՈՒՅԹ-ՀԱՎԱՔՈՒՄ

ՀՀ ՊՆ Մոնթե Մելքոնյանի անվան ռազմամարզական վարժարանի հավաքական թիմը՝ ուսումնական մասի պետ-պետի ուսումնական մասի գծով տեղակալ, մայոր Կարեն Ավագյանի գլխավորությամբ, ս.թ փետրվարի 12-ից 22-ը մասնակցել է ՌԴ Պերմ քաղաքում անցկացված «Պատանի հայրենասերների» 12-րդ միջազգային մրցույթ-հավաքին:

«Տագնապ» ազդանշանը տրված է: Սպառազեն մարտկոցը շտապում է մեքենայական պարկ:

Փետրվարի 17-ին ազգային բանակում մեկնարկեց 2014թ. ուսումնական տարին։ Զորամասերում տոնական միտինգներին հաջորդեցին եռօրյա (քառօրյա) մարտավարաշարային պարապմունքները։ Մարտական պատրաստականության տեսակետից տագնապի ազդանշանով սկսվող այս պարապմունքների ընթացքում կարևորվում են հրամանատարների (սկսած ջոկի հրամանատարից) հմտությունները, ստորաբաժանումների գործողությունների ճշգրտությունը, հստակությունը, արագությունը։ Հատկանիշներ, որոնց մենք ականատես եղանք գնդապետ Արմեն Հարությունյանի հրամանատարությամբ գործող զորամասում։ Հրետանավորներն ապացուցեցին, որ զինված են խոր ու համակողմանի գիտելիքներով և ճիշտ ժամանակին կարող են հայտնվել նշանակված տեղում և սկսել մարտական գործողությունները։

ՀԻՆԳԵՐՈՐԴ ՊԱՏՎԱԴՐՈՇԸ

Հրետանային ուսումնական զորամասը միակն է ազգային բանակում, որ հինգ տարի անընդմեջ ուսումնականների մեջ նվաճում է լավագույնի կոչումը և պարգևատրվում պատվադրոշով: Գործող կարգի համաձայն՝ երեք անընդմեջ հաջողության դեպքում պատվադրոշն իր մշտական գրանցումն է ստանում այդ զորամասում, այսինքն` հրետանավորների պատրաստման այս օրինակելի զորամաս-կրթօջախում մարտական դրոշի կողքին իր հաստատուն տեղն է զբաղեցրել առաջին մշտականը: Համառ ու աշխատասեր անձնակազմը պայքարում է երկրորդի համար:

ՀԱՄԱԳՈՐԾԱԿՑՈՒԹՅՈՒՆԸ ՇԱՐՈՒՆԱԿՎՈՒՄ Է

Պաշտպանության նախարար Սեյրան Օհանյանը 2014 թվականի տարեմուտի իր ուղերձում, զինված ուժերի անձնակազմից բացի, դիմել է նաեւ հանրապետության դպրոցների ուսուցիչներին եւ աշակերտներին` կարեւորել բանակ-դպրոց համագործակցությունը արատավոր բարքերի դեմ պայքարի, արտաքին մարտահրավերների դիմագրավման, հայրենասիրական դաստիարակության գործում: Անկեղծ զրուցելու, ընդհանուր հայտարարի գալու եւ համատեղ անելիքների շուրջ պայմանավորվելու նպատակով պաշտպանության նախարարությունը եւ Երեւանի քաղաքապետարանը փետրվարի 20-ին Լեւոն Շանթի անվան դպրոցում նախաձեռնել էր հանդիպում, որին մասնակցում էին ՀՀ ՊՆ Տ և ՀԿ վարչության պետի տեղակալ, ՔՀԾ 2-րդ դասի պետական խորհրդական Ֆելիքս Պողոսյանը, Երևանի քաղաքապետարանի աշխատակազմի հանրակրթության վարչության պետ Գայանե Սողոմոնյանը, Երևանի քաղաքապետարանի հանրակրթության վարչության դպրոցական բաժնի պետ Անահիտ Մելքոնյանը, մի շարք դպրոցների տնօրեններ, ուսուցիչներ, զինղեկներ:

Մի քանի օր է, ինչ համացանցում լայնորեն քննարկվում է Armnews հեռուստաընկերության ցուցադրած ապազգային մի տեսանյութ` մեր ժամանակների «հերոսների»` գողականների մասին: Այն հավակնում է, այսպես կոչված, հիթ դառնալու: Լրահոսի լավայի մեջ այսօր դժվար է գտնել մի նյութ, որը կես օրվա կյանք ունենա, իսկ ահա այս «բեսթսելլերը» տիրաժավորվեց կայծակնային արագությամբ, արտատպվեց տասնյակ կայքերի ու բլոգերների կողմից: Սա, իմ համոզմամբ, ոչ այլ ինչ է, եթե ոչ ազգադավություն բառիս բուն իմաստով: Բացատրեմ` ինչու եմ այդպես մտածում: Մի քանի օր առաջ նշվեց Արցախյան պատերազմի լեգենդար հերոս Պետոյի ծննդյան օրը, որի մասին ներկայացվեցին նաև տեսագրություններ, որոնք սակայն չտարածվեցին նման ժրաջանությամբ ու քանակով:

ԲԱՆԱԿԸ ՊԵՏՈՒԹՅԱՆ ԱՄՐՈՑՆ Է

Հայոց բանակը մեր ազգային հպարտությունն է, մեր անկախության պահապանը։ Բանակին նվիրված հանդիսություններ տեղի ունեցան ամբողջ հանրապետությունում։ Ուշագրավ էր նաև Աշտարակի Պերճ Պռոշյանի անվան դպրոցում «Բանակը պետության ամրոցն է» խորագիրը կրող ցերեկույթը, որին ներկա էին պետական և հասարակական կառույցների ղեկավարներ, զինվորականներ, Հայրենական պատերազմի և աշխատանքի վետերաններ, ազատամարտիկներ, հայրենիքի պաշտպանության համար մարտիրոսված քաջորդիների հարազատներ։