Language:

  • Հայերեն
  • Русский
  • English

#07 (974) 21.02.2013 – 27.02.2013

«ՍԵՎ ԿԱՏՈՒ»` ԱԴՐԲԵՋԱՆԻ ԵՎ ԹՈՒՐՔԻԱՅԻ ՄԻՋԵՎ

Լուրջ հիմքեր կան պնդելու, որ Թուրքիայի և Ադրբեջանի իշխանությունների միջև փոխադարձ հակակրանք կա: Ավելին՝ Թուրքիան գործուն քայլեր է ձեռնարկում Ադրբեջանի իշխող վարչակարգին հեղինազրկելու ուղղությամբ:
Խոսքը միայն Թուրքիայի վարչապետ Ռեջեփ Էրդողանի՝ Ալիևների բոստանը քար նետելու առիթը բաց չթողնելու մասին չէ: Վերջերս նա թուրքական հեռուստատեսությամբ հայտարարեց, որ Բաքվում կառուցված Հեյդար Ալիևի անվան կենտրոնը «Դրսից նայելիս շատ խոշոր, գեղեցիկ բան է թվում: Ներս ես մտնում եւ տեսնում, որ այն փողերը վատնելու տիպիկ օրինակ է»:

ԱՊԱՇԽԱՐՈՒԹՅՈՒՆԸ ԽՈՐԹ Է ԱԴՐԲԵՋԱՆՑՈՒՆ

Աքրամ Այլիսլին արժանի է, որ յուրաքանչյուր հայ իմանա նրա անունը: Ադրբեջանի ժողովրդական գրող, սցենարիստ և թատերագիր, Հեյդար Ալիևից «Փառքի շքանշան» ստացած վաստակաշատ մտավորական, որը կյանքի մայրամուտին` 75 տարեկանում, խիզախեց ճշմարտությունն ասելու հայ-ադրբեջանական հարաբերությունների մասին:
Այլիսլին բազմաթիվ հոդվածների, պատմվածքների, սցենարների եւ վեպերի հեղինակ է, 2005թ. ընտրվել է Ադրբեջանի խորհրդարանի պատգամավոր: Գրական ասպարեզ է մուտք գործել 1959թ. հրատարակած բանաստեղծությունների գրքույկով:

ԿՈՏՐՎԱԾՔՆԵՐ

Մեխանիկական ազդեցությամբ ոսկորի ամբողջականության խախտումը կոչվում է կոտրվածք։ Կոտրվածքների ամենամեծ խումբն են կազմում վնասվածքային կոտրվածքները, որոնք ուղեկցվում են ոսկրը շրջապատող փափուկ հյուսվածքների վնասմամբ։
Տարբերակվում են բաց և փակ կոտրվածքներ։ Մաշկի ամբողջականության խանգարման ժամանակ վնասող առարկայի կամ կոտրված ոսկրի սուր բեկորի ազդեցությամբ առաջանում են բաց կոտրվածքներ։ Եթե մաշկի ամբողջականությունը չի խախտվում, կոտրվածքներն անվանում են փակ։ Կախված կոտրվածքների գծի ուղղությունից՝ տարբերվում են լայնական, թեք և երկայնական կոտրվածքներ։ Բարդ կոտրվածքները, երբ կոտրված ոսկրի ծայրերից անջատվում են մի քանի բեկորներ, անվանում են բեկորային կամ բազմաբեկորային։

ԶԵՆԻԹԱՀՐԹԻՌԱՅԻՆ ՀԱՄԱԼԻՐՆԵՐ

«Patriot PAC-3» ԶՀՀ-ը նախատեսված է խոշոր օբյեկտների, տարածաշրջանների, ռազմաօդային և ռազմածովային բազաների պաշտպանության համար: Ստեղծման աշխատանքները սկսվել են 1963թ.: 1981թ. այն գտնվում է սպառազինությունում և փոխարինեց «Նայկ Հերկուլես» և «Հոկ» ԶՀՀ-ներին: «Patriot» ԶՀՀ-ը հեղափոխական էր իր տեսակի մեջ: Աշխարհում առաջին բազմաալիք համալիրն էր, որ կարող էր նաև հրթիռներ խոցել: Առաջինն էր, որ աշխարհում կիրառվեց նույն խնդրի համար: Ստեղծվելով և հատկապես աշխարհում առաջին անգամ կիրառվելով` մեծ տարածում գտավ: Ներկայումս գտնվում է ԱՄՆ-ի և դաշնակից երկրների սպառազինության շարքերում:

ՊԱՊԵՐԻ ՀՈՂԻՑ` ՄԻ ՄԱՍՆԻԿ...

1988-ից հետո Հայաստան աշխարհի սահմանամերձ գոտիներում, Արցախում իրավիճակը կտրուկ սրվեց։ Վտանգված էր հող հայրենին։ Օրհասական այս պահին սփյուռքահայ շատ երիտասարդներ միացան համազգային պայքարին՝ հոգու խորքում հավատալով, փափագելով, որ մի օր էլ իրենց ծնողների կորցրած բնօրրանը կազատագրեն, և որ Ղարաբաղը սկիզբն է միայն…

ՕԴԱՅԻՆ ԴԻՄԱԿԱՅՈՒԹՅՈՒՆ ՆԱԵՒ ՀԱՅԱՍՏԱՆԻ ՏԱՐԱԾՔՈՒՄ

«Սառը պատերազմի» տարիներին բնականաբար հետախուզության էին ենթարկվում նաև խորհրդային երկրի անդրկովկասյան տարածքները: Այս գործում լայնորեն ներգրավված էին Թուրքիայում և Իրանում տեղակայված ամերիկյան ռազմաբազաները: 1958թ. հունիսի 27-ին Երևանից հարավ խորհրդային սահմանը խախտել էր ամերիկյան «Ց-118» տրանսպորտային ինքնաթիռը, որը Գերմանիայից թռչում էր Պակիստան և միտումնավոր մտել էր խորհրդային տարածք: Ասում են՝ ինքնաթիռը պատկանում էր ԿՀՎ-ի տնօրենին: Սահմանախախտի թռիչքը խափանեցին խորհրդային «ՄիԳ-17Պ» կործանիչների երկու օդաչուները` Գ.Սվետլիչնիկովը և Բ.Զախարովը: Ամերիկյան ինքնաթիռը հարկադրական վայրէջքի ժամանակ կործանվեց: Անձնակազմը ողջ մնաց և հետո վերադարձվեց ամերիկացիներին:

1992Թ. ՓԵՏՐՎԱՐ. ՀԱՅ ՄԱՐՏԻԿՆԵՐԸ ՈՉՆՉԱՑՆՈՒՄ ԵՆ ՄԱԼԻԲԵՅԼԻԻ, ՂՈՒՇՉՈՒԼԱՐԻ ԿՐԱԿԱԿԵՏԵՐԸ

1992 թվականի փետրվարի սկզբին շարունակվում էր Լեռնային Ղարաբաղի Հանրապետության բնակավայրերի, մասնավորապես՝ Ստեփանակերտի ռմբակոծությունը: Դիրքային մարտեր էին ընթանում Մարտակերտի շրջանի Կիչան, Սրխավենդ գյուղերի պաշտպանական բնագծերում, որոնց ընթացքում զոհվում են 4 հայեր, ևս չորսը վիրավորվում են:
Փետրվարի 10-ին ադրբեջանական ստորաբաժանումները Մալիբեյլի գյուղի կրակակետից հարձակում են սկսում Ստեփանակերտի վրա: Համառ դիմադրությունից հետո, ԼՂՀ ինքնապաշտպանության ուժերը կասեցնում են հակառակորդի գրոհը, անցնում հակահարձակման և հաջողությամբ վնասազերծում ադրբեջանական այդ կրակակետը: Մալիբեյլիից հետո ոչնչացվում է նաև նրա մոտակայքում գտնվող Ղուշչուլար գյուղը: