Language:

  • Հայերեն
  • Русский
  • English

Ուշադրության կենտրոնում

ԶՈՐԱՎԱՐԺՈՒԹՅԱՆ ԳԵՐԱԶԱՆՑԻԿՆԵՐԸ

Մայիսի 26-ն է: ՀՀ ՊՆ «Բաղրամյան» զորավարժարանում շարունակվում է գնդի կազմով մարտավարական զորավարժությունը` մարտական հրաձգությամբ: Ներգրավված են հյուսիսարևելյան ուղղության զորամասի զինծառայողները: Այստեղ են նաեւ ՀՀ ՊՆ մարշալ Արմենակ Խանփերյանցի անվան ռազմաավիացիոն ինստիտուտի մեկամյա սպայական դասընթացների կուրսանտները` հրաձգությամբ ամփոփում են ուսումնառության վերջին փուլը: Նաեւ առաջին ստուգողական հրաձգությունն են կատարում ուսումնական զորամասերից մեկի զինվորները: Զրուցեցինք առաջադրված խնդիրները հաջողությամբ կատարած եւ լավագույնը ճանաչված զինծառայողների հետ:

ՄՇԱԿՈՒԹԱՅԻՆ ԱՐԺԵՔՆԵՐԻ ՎԵՐԱԴԱՐՁԸ՝ ՓՈԽՀԱՏՈՒՑՄԱՆԱՄԵՆԱԿԱՐԵՒՈՐ ՊԱՀԱՆՋ

Մեսրոպ Մաշտոցի անվան Մատենադարանում պահվող ձեռագիր մատյաններում ամբարված են մեր ժողովրդի՝ հազարամյակներով կուտակված իմաստնությունը և մշակութային արժեքները: Ձեռագիր մատյանները եղել են հայ ազգին պատուհասած ծանր փորձությունների ականատեսն ու վերապրողը: Հնագույն մատյանների ինչպիսի՞ կորուստ ենք կրել ցեղասպանության հետևանքով: Ի՞նչ ճանապարհով է հնարավոր վերադարձնել աշխարհի տարբեր անկյուններում հանգրվանած մեր ազգային գանձերը: Այս հարցերի շուրջ պարզաբանումներ է տալիս Մատենադարանի մայր ցուցակի և ձեռագրագիտության բաժնի վարիչ, գլխավոր ավանդապահ ԳԵՎՈՐԳ ՏԵՐ-ՎԱՐԴԱՆՅԱՆԸ:

ԱՐԱՐԱՏՅԱՆ ԱՇԽԱՐՀԸ  1918թ. ՀԱՅՈՑ ԳՈՅԱՄԱՐՏՈՒՄ

Ակնհայտ էր, որ թուրքերը` օգտվելով ռազմաճակատի մերկացումից, կխախտեին 1917 թ. դեկտեմբերին Երզնկայում ռուս հրամանատարության հետ կնքված զինադադարը և համալրելով ու վերախմբավորելով իրենց բանակը՝ շատ շուտով կդիմեին մարտական գործողությունների:
Բաբերդից Երզնկա և մինչև Բիթլիս ու Վան ձգվող հսկայածավալ ռազմաճակատում հայ փոքրաթիվ նորաստեղծ գնդերին վիճակված էր դիմագրավելու թեև մի շարք ճակատամարտերում պարտված, բայց դեռևս զգալի հզորությամբ օժտված և հայ զորագնդերից անհամեմատ բազմաքանակ թուրքական կանոնավոր զորամիավորումներին, որոնց հիմնական միջուկը կազմում էին առաջին աշխարհամարտի հնոցում թրծված, անգամ անգլո-ֆրանսիական զորքերի դեմ Գալիպոլիի ու Դարդանելի նշանավոր ճակատամարտերին մասնակցած բազմաթիվ սպաներ ու զինվորներ:

ՄԵԾ ՀԱՅՐԵՆԱԿԱՆԸ`ՆԱՄԱԿՆԵՐՈՒՄ

Վերջերս գործի բերումով մեկնել էի Թբիլիսի: Առիթից օգտվելով, որ իմ հայրենի վայրերին շատ մոտ եմ, այցելեցի նաեւ Թեթրիծղարոյի շրջանի Դաղեթ-Խաչեն գյուղը, որտեղ անցել է իմ մանկությունը: Վերադարձիս հարեւան Սամշվիլդո գյուղում հանդիպեցի իմ վաղեմի բարեկամներից մեկին` Աշոտ Քամալյանին, որը ժամանակին ուսուցիչ էր այդ գյուղի դպրոցում: Նա ինձ հրավիրեց տուն, եւ մեր ջերմ ու մտերմիկ զրույցից հետո, երբ պատրաստվում էի հրաժեշտ տալ նրան, իր գրասեղանի դարակից հանեց մի մաշված ու խունացած թղթապանակ եւ մեկնեց ինձ` ասելով. «Վերցրե՛ք, այստեղ մեր գյուղից Հայրենական մեծ պատերազմ մեկնած ու զոհված մի քանի զինվորների նամակներ են:

ԼԻԱՐԺԵՔ ԱՊԱՀՈՎՈՒՄ

Ծառայությանն առնչվող ամենատարբեր հարցերով հաճախ են խմբագրություն զանգահարում զինվորների հարազատները` մեկնաբանությունների, պարզաբանումների ակնկալիքով: Վերջին զանգերից երկուսն էլ ուղղակիորեն առնչվում էին զինվորին տրվող հանդերձանքին: Ծնողներից մեկը մտահոգված էր, որ տղայի ծառայության մեկ տարին դեռ չլրացած՝ ինքն արդեն մեկ անգամ համազգեստ է գնել և ուղարկել զորամաս, քանի որ նրա համազգեստը ամբողջովին մաշվել է, մյուսն էլ նեղսրտում էր, թե արդեն քանի անգամ իր սուղ միջոցներից որոշակի գումար է հատկացնում` սահմանում ծառայող որդու համար գուլպա, վարտիք ու շապիկ գնելու համար:
Իսկապես, անհեթեթ մի իրավիճակ, որ մեզ ուղղակի պարտադրեց ժամ առաջ գտնել նման հայտարարությունների օբյեկտիվ հիմքերը: Պարզաբանումների համար մեր ծառայակից մայոր Սամվել Հարությունյանը դիմեց ՀՀ ԶՈՒ թիկունքի վարչության պետ, գնդապետ Ն. ՅՈԼՉՅԱՆԻՆ:

ԻՍԼԱՄԱԿԱՆ ԵՐԿՐԻ ՔՐԻՍՏՈՆՅԱ ԱՎԱԳԸ

Բրիտանական theguardian պարբերականը «Ռոհանին ուշադրությունը կենտրոնացնում է փոքրամասնությունների վրա. Իրանում առաջին անգամ ֆուտբոլային թիմի ավագը քրիստոնյա է» վերնագրով հոդվածում վերլուծում է Իրանի նախագահ Հասան Ռոհանիի՝ երկրի ազգային եւ կրոնական փոքրամասնությունների հանդեպ քաղաքականության տեղաշարժերը՝ արձանագրելով, որ այդ ուղղությամբ դեռ մի շարք մարտահրավերներ կան: Այս համատեքստում պարբերականն անդրադառնում է ազգությամբ հայ Անդրանիկ Թեյմուրյանի՝ որպես Իրանի ֆուտբոլի ազգային հավաքականի ավագ նշանակմանը:

ԽԱՂԱՂԱՊԱՀ ԱՌԱՔԵԼՈՒԹՅՈՒՆԸ` ԲԱՆԱԿԱՇԻՆՈՒԹՅԱՆԸ

Մայիսի 29-ին Խաղաղապահների միջազգային օրն է: Այս տարի այն նշվում է Միավորված ազգերի կազմակերպության 70-ամյակի շրջանակներում: Ու թեեւ խաղաղապահ առաքելությունն ամրագրված չէ ՄԱԿ-ի կանոնադրությամբ՝ ներկայումս այն միջազգային մակարդակով կարգավորիչ եւ զսպող կարեւորագույն գործոններից է: