Language:

  • Հայերեն
  • Русский
  • English

Նորություններ

ԱՄՆ ԿՈՆԳՐԵՍԸ ԿԴԱԴԱՐԵՑՆԻ ԼԻԲԻԱԿԱՆ ՕՊԵՐԱՑԻԱՅԻ ՖԻՆԱՆՍԱՎՈՐՈՒՄԸ

ԱՄՆ Կոնգրեսի ներկայացուցիչների պալատի անդամները քվեարկել են 2012թ. համար ռազմական հատկացումների օրենքում փոփոխություն կատարելու օգտին, որով նախատեսվում է սահմանափակել որոշ ծախսեր: Փոփոխված օրենքը ԱՄՆ նախագահին արգելում է առանց կոնգրեսի թույլտվության զորքերն ավելի քան 2 ամիս տևողությամբ մարտական գործողությունների ուղարկել: Փաստորեն, սահմանափակումը վերաբերում է նաև Լիբիայում ընթացող ռազմական գործողություններին, տվյալ դեպքում 60 օրը լրացել է դեռ մայիսի 20-ին:

ԼԵՀԱՍՏԱՆՈՒՄ ԿՏԵՂԱԿԱՅՎԵՆ ԱՄԵՐԻԿՅԱՆ ԻՆՔՆԱԹԻՌՆԵՐ

Լեհաստանն ու ԱՄՆ-ը համաձայնագիր են ստորագրել 2013թ. երկրի ռազմական հզորությունն ամրապնդելու նպատակով Լեհաստանում ամերիկյան մարտական ինքնաթիռներ և ուսուցանող անձնակազմ տեղակայելու մասին: F-16 կործանիչներից և C-130 ռազմատրանսպորտային ինքնաթիռներից, օդաչուների պատրաստման մասնագետներից բացի, ամերիկացիները նախատեսում են Լեհաստան ուղարկել նաև մինչև 30 հոգանոց մարտական ստորաբաժանում:

ԱՄՆ կենտրոնական հետախուզական վարչությունը անօդաչու թռչող ապարատների համար գաղտնի ավիաբազա կկառուցի Պարսից ծոցում: Անօդաչուները կօգտագործվեն տարածաշրջանի երկրներում ահաբեկիչների դեմ ռազմական գործողությունների ժամանակ:

ՉԵԽԻԱՆ ՀՐԱԺԱՐՎԵԼ Է ՄԻԱՆԱԼ ՀԱԿԱՀՐԹԻՌԱՅԻՆ ՊԱՇՏՊԱՆՈՒԹՅԱՆ ԾՐԱԳՐԻՆ

Չեխիան հրաժարվել է Եվրոպայում ծավալվող ամերիկյան հակահրթիռային պաշտպանության համակարգին միանալուց: Այդ մասին հայտարարել է Չեխիայի պաշտպանության նախարար Ալեքսանդր Վոնդրան` նշելով, որ իրենք պատրաստ են համագործակցել ԱՄՆ հետ, բայց ոչ` ներկայիս ձևաչափով:
ՀՀՊ համակարգին Չեխիայի մասնակցելու հարցը քննարկվել է դեռ ԱՄՆ նախորդ նախագահ Ջորջ Բուշի օրոք: Նախնական ծրագրերի համաձայն` այդ երկրում պետք է տեղադրվեր ռադար, իսկ հարևան Լեհաստանում` հակահրթիռներ:

ԻՐԱՆԸ ՏԻԵԶԵՐՔ Է ԱՐՁԱԿԵԼ «ՌԱՍՍԱԴ-1» ԱՐԲԱՆՅԱԿԸ

Իրանը հաջողությամբ ուղեծիր է դուրս բերել «Ռասսադ-1» արհեստական արբանյակը: Տիեզերական ապարատը 260 կմ բարձրության է հասցվել «Սաֆիր» հրթիռի միջոցով: «Ռասսադ-1»-ը կարող է օրական 15 անգամ պտտվել երկրի շուրջը և լուսանկարահանել:

Իրանի տիեզերական ծրագիրն սկսվել է 2008թ., 2009թ. սեփական ուժերով արձակել է առաջին արբանյակը: Այժմ իրանական տիեզերական գործակալությունը ձևավորում է սեփական արբանյակների ուղեծրային խմբավորում, իսկ մինչև 2020թ. նախատեսում է տիեզերք ուղարկել իրանցի առաջին տիեզերագնացին:

7Y1F0155

ՀՀ պաշտպանության նախարար Սեյրան Օհանյանը հունիսի 15-ին Երևանի պետական համալսարանում մասնակցել է ՀՀ և Արցախի Ազգային հերոս Յուրա Պողոսյանի ծննդյան 50-ամյակին և մահվան 19-րդ տարելիցին նվիրված հուշ-ցերեկույթին: Միջոցառմանը ներկա էին հերոսի հարազատները, մարտական ընկերները, համալսարանի պրոֆեսորա-դասախոսական կազմը, ուսանողներ և ներկայացուցիչներ պաշտպանության նախարարությունից:
Յուրա Պողոսյանի մարտական ուղուն նվիրված ֆիլմի ցուցադրումից հետո ելույթ են ունեցել հերոսի քույրը` Իրինա Առաքելյանը, մարտական ընկեր Մարտիկ Հայրապետյանը, ԵՊՀ ռեկտորի պաշտոնակատար Արամ Սիմոնյանը և պաշտպանության նախարար Սեյրան Օհանյանը:

Kepka 4

Շուտով ամերիկյան բանակում զինծառայողների դաշտային համազգեստի բերետները կփոխարինվեն կեպիներով: 2001թ.-ից բերետ են կրում ոչ միայն ամերիկյան բանակի հետախուզության հատուկ ստորաբաժանումները` ռեյնջերները, այլև ցամաքային զորքերի բոլոր զինծառայողները (համարյա 1 մլն մարդ):

Սակայն նրանց շրջանում բերետը հարգի չէ և, բացի դրանից, գործնական որակներով էլ զիջում է կեպիին` արևից չի պաշտպանում, քրտինքը վատ է ներծծում: Բացի դրանից, համարյա կրկնակի թանկ է կեպիից. վերջինս արժե 6.50 դոլար, իսկ բերետը` 11.90: