Language:

  • Հայերեն
  • Русский
  • English

Նորություններ

ԹԱԼԻԲԱՆԸ ՄԵՂՄԱՑՆՈՒՄ Է ԴԻՐՔՐՈՇՈՒՄԸ

Առաջիկա շաբաթներին Սաուդյան Արաբիայում կսկսվեն պատմության մեջ առաջին բանակցությունները Աֆղանստանի կառավարւթյան և ընդիմադիր «Թալիբան» շարժման ներկայացուցիչների միջև: Աֆղանստանի նախագահ Համիդ Քարզայը բազմիցս հայտարարել էր, որ երկրում խաղաղոթւյան հաստատման վերաբերյալ բոլոր բանակցությունները պետք է կայանան միմիայն աֆղանների միջև, սակայն «Թալիբանը» հրաժարվում էր հանդիպել, հայտարարելով, թե երկրի իշխանությունն օրինական չէ: Միաժամանակ հայտնի է դարձել, որ երկրի անվտանգության […]

ՁԱԽՈՂՎԵԼ Է ՕԴԱՅԻՆ ԱՀԱԲԵԿՉՈՒԹՅԱՆ ՓՈՐՁ

Տրիպոլիից Կահիրե թռչող ինքնաթիռում Եգիպտոսի հատուկ ծառայությունների աշխատակիցները հայտնաբերել ու վնասազերծել են գազային նռնակ: Ինքնաթիռի սանհանգույցում ընկած առարկան ուղևորներին կասկածելի էր թվացել, ինչի մասին նրանք իսկույն հայտնել էին օդանավի անձնակազմին:

ՍԻՐԻԱՅՈՒՄ ՔԱՂԱՔՆԵՐԻ ԳՆԴԱԿՈԾՄԱՆ ԱՐԴՅՈՒՆՔՈՒՄ ՅՈԹ ՄԱՐԴ Է ԶՈՀՎԵԼ

Հատկապես շատ վիրավորներ կան Դամասկոսից 220 կիլոմետր հյուսիս գտնվող և խռովարարների կողմից գրավված Համայում, որտեղ շարունակվող գնդակոծության պատճառով անհնար է նրանց տեղափոխել բուժհաստատություններ: Առայժմ հաղորդվում է երկու զոհի մասին: Իշխանությունները վճռական գործողությունների դիմեցին, երբ տապալվեցին զինված խմբավորումներին տեղի ավագանու միջոցով զինաթափելու փորձերը, որոնք ձեռնարկվում էին տեղում գտնվող Արաբական պետությունների լիգայի դիտորդների աջակցությամբ: Իսկ հարևան Կուսայր քաղաքում հրետանային արկի բեկորներից զոհվել են մի կին ու նրա հնգամյա որդին:

ՍՏԵՂԾՎԵԼ Է ՀԻՆԳԵՐՈՐԴ ՍԵՐՆԴԻ ԿԱԼԱՇՆԻԿՈՎԻ ԱՎՏՈՄԱՏ

Իժևսկի մեքենաշինական գործարանի կոնստրուկտորներն արդեն ավարտել են «АК-12»-ի մշակումը, պահպանելով այս ավտոմատների դասական պարզ կառուցվածքը և միաժամանակ նրանում օգտագործելով նորագույն նյութեր ու տեխնոլոգիաներ: Դրա շնորհիվ բարելավվել է հատկապես ավտոմատի փողի որակը, թույլ տալով բարձրացնել մենահատ կրակի ճշգրտությունը: Բացի այդ, հաջողվել է թուլացնել նաև հետհարվածի ուժը, ինչն ինքնին բարձրացրել է ավտոմատ կրակի արդյունավետությունը:
Նոր ավտոմատն արդեն գտնվում է գործարանային փորձարկումների փուլում, իսկ շուրջ մեկ տարի անց կհանձնվի պետական հանձնաժողովի դատին:

ԼՈՆԴՈՆԸ ԿԱՋԱԿՑԻ ԱՐԱԲԱԿԱՆ ԱՇԽԱՐՀՈՒՄ «ԱԶԱՏՈՒԹՅԱՆ ՈԳՈՒՆ»

Այդ մասին հայտարարել է Մեծ Բրիտանիայի վարչապետ Դեվիդ Քեմերոնը, իսկ Եվրամիության ներկայացուցիչները Եգիպտոսի բնակչությանը շնորհավորել են հեղափոխության առաջին տարեդարձի կապակցությամբ:
Քեմերոնը հայտարարել է, որ մարդու իրավունքները հարազատ են յուրաքանչյուր բրիտանացու սրտին ու հոգուն, և դրա համար էլ Միացյալ թագավորությունն «արաբական գարնան» սկսվելուց անմիջապես հետո առաջիններից մեկն աջակցեց ՄԱԿ մարդու իրավունքների խորհրդի կողմից Սիրիայի վերաբերյալ բանաձևի ընդունմանը, և անհրաժեշտության դեպքում Լոնդոնը պատրաստ է իր համոզումներն ապացուցել նաև գործով, ինչպես դա իր դաշնակիցների հետ արեց լիբիական հեղափոխության ընթացքում:

ՆԻԳԵՐԻԱՅՈՒՄ ՎԵՐՍՏԻՆ ԱՐՅՈՒՆ Է ՀԵՂՎՈՒՄ

Նիգերիայի Կանո քաղաքում, որտեղ հունվարի 20-ին իրականացված ահաբեկչությունների արդյունքում զոհվել էր 165 մարդ, տեղի են ունեցել ողբերգական նոր միջադեպեր: Անհայտ անձինք գնդակոծել են ոստաիկանական բաժանմունքը, որի վրա նաև նռնակներ են նետվել: Զոհերի և վիրավորների մասին տեղեկություններ չկան:

ՊԱՏԱՆԴՆԵՐԻՆ ԱԶԱՏԵԼԻՍ ԱՄՆ ՀԱՏՈՒԿՋՈԿԱՏԱՅԻՆՆԵՐԸ ՈՉՆՉԱՑՐԵԼ ԵՆ ՈՒԹ ԾՈՎԱՀԵՆՆԵՐԻ

Ամերիկյան հատուկ նշանակության ստորաբաժանման մարտիկներին հաջողվել է գերությունից փրկել անցած հոկտեմբերին Սոմալիում պատանդված 32-ամյա մեկ ամերիկուհու և 60-ամյա մեկ դանիացու, ովքեր «Danish Demining Group» ընկերության աշխատակիցներ էին: Մուդուգ քաղաքի մերձակայքում իրականացված գործողությանը ծովահենների համառ դիմադրության պատճառով մասնակցել են նաև ամերիկյան վեց ռազմական ուղղաթիռներ: