Language:

  • Հայերեն
  • Русский
  • English

Ազգային բանակ

ՀԱՄԱԲԱՆԱԿԱՅԻՆ 15-ՐԴ ՍՊԱՐՏԱԿԻԱԴԱՅԻ ԱՐԴՅՈՒՆՔՆԵՐԸ

Սեպտեմբերի 29-ին Վ.Սարգսյանի անվան Հանրապետական մարզադաշտում հանդիսավոր պայմաններում փակվեց համաբանակային 15-րդ սպարտակիադան։ Հինգ օր շարունակ ուժի և կամքի այս գեղեցիկ ստուգատեսում տասը մարզաձևից 400 զինծառայողներ անհաշտ, բայց և արդար մրցակցության մեջ որոշեցին ուժեղագույններին։
Թիմային հաշվարկով անգերազանցելի էր դիվիզիան, որի մարզիկները երեք մարզաձևերից` ռազմամարզական եռամարտ, բազկամարտ և կշռաքարերի բարձրացում, գրավեցին առաջին տեղը` տիրանալով նաև այդ անվանակարգերում խաղարկվող գավաթներին։

ԶՈՐԱՎԱՐԺՈՒԹՅԱՆ ԵԶՐԱՓԱԿԻՉ ՓՈՒԼԸ

Սեպտեմբերի 19-ին Հայաստանի Հանրապետության պաշտպանության նախարարության համազորային զորավարժարանում տեղի ունեցավ հավաքական անվտանգության պայմանագրի կազմակերպության արագ արձագանքման հավաքական ուժերի «Փոխգործակցություն-2012» համատեղ զորավարժության երկրորդ՝ եզրափակիչ փուլը։

ՀԱԿԱՔԱՅԼԵՐ ՀԱԿԱՌԱԿՈՐԴԻ ԴԵՄ

Օրերս ԼՂՀ պաշտպանության բանակի հրամանատար գեներալ-լեյտենանտ ՄՈՎՍԵՍ ՀԱԿՈԲՅԱՆԸ ՀՀ ՊՆ Տ և ՀԿ վարչության «Զինուժ» հեռուստածրագրի «Գորդյան հանգույց» հաղորդաշարի հեղինակներից ռազմական փորձագետ Դավիթ Ջամալյանին տված հարցազրույցում ներկայացրել է առաջնագծում զինծառայության անվտանգության ապահովմանն ուղղված աշխատանքները, խոսել պաշտպանության բանակի սպառազինության և մարտական հնարավորությունների մասին: Նա մասնավորապես ասել է.

ԿԱՅԱՑԱՎ ՀՊՊ ԽՄԲԵՐԻ ՂԵԿԱՎԱՐՆԵՐԻ ԱՄԵՆԱՄՅԱ ՄՐՑՈՒՅԹԸ

Ազգային բանակում զինծառայողներին ուսուցանվում են շուրջ տասնյոթ առարկաներ, որոնց մի մասի համար ուսումնական տարվա երկրորդ կեսում անցկացվում են համաբանակային քննություններ, եւ որոշվում են լավագույնները։ Անհնար է գերագնահատել հասարակական պետական պատրաստություն առարկայի դերն ու նշանակությունը զինծառայողների գիտելիքների զարգացման, ընդհանուր ճանաչողության և հայրենասիրական դաստիարակության հարցերում։ Առարկայի ուսուցումը մշտապես բարելավելու, կատարելագործելու և ուսումնառության արդյունավետությունը բարձրացնելու գործում մեծ է խմբերի ղեկավարների դերը։ Նրանց պատրաստվածության մակարդակը, մարդկանց հետ աշխատելու, սովորեցնելու կամքն ու ունակությունն են նպաստում գործի հաջողությանը։

ԼԱՎԱԳՈՒՅՆ ՀՈՍՊԻՏԱԼԸ

Մեր հաջողությունները կոլեկտիվ աշխատանքի արդյունք են, պարզապես ես ունեմ մի քանի սկզբունքներ, որոնք կարեւոր նախադրյալ են հաջողության հասնելու համար։ Առաջինը անձնակազմի բարոյահոգեբանական վիճակն է եւ համախմբվածությունը։ Մենք գաղափարի շուրջ համախմբված զինվորական կոլեկտիվ ենք, եւ այդ գաղափարը կարեւոր ու թանկ է յուրաքանչյուրիս համար։ Դա բանակի մարտունակության գաղափարն է, ինչը իր հերթին ուժեղ երկիր եւ պաշտպանված սահմաններ ունենալու երաշխիք է։

ՆՇՎԵՑ ԿԱՊԱՎՈՐԻ ՕՐԸ

Սեպտեմբերի 22-ին գնդապետ Ս. Խաչատրյանի հրամանատարությամբ գործող զորամասում տեղի ունեցավ կապի զորքերի օրվան նվիրված հանդիսավոր միջոցառում: Զորամասի անձնակազմը, ինչպես նաև կապի զորքերի տարբեր զորամասերի և ծառայությունների զինծառայողները շարվեցին հանդիսավոր տողանի: Շարահրապարակ բերվեց զորամասի մարտական դրոշը: Միջոցառումն սկսվեց տերունական աղոթքով: Բոլոր կապավորներին խաղաղ ծառայություն մաղթեց և օրհնության աղոթք կարդաց ՀՀ զինված ուժերի հոգևոր առաջնորդ տեր Վրթանես եպիսկոպոս Աբրահամյանը: Այնուհետև ելույթ ունեցավ կապի և ԱԿՀ վարչության պետ, կապի զորքերի պետ գնդապետ Կ. Մուրադյանը:

ՀԱՄԱԲԱՆԱԿԱՅԻՆ 15-ՐԴ ՍՊԱՐՏԱԿԻԱԴԱՅԻ ՄԵԿՆԱՐԿԸ

Սեպտեմբերի 24-ին Վազգեն Սարգսյանի անվան Հանրապետական մարզադաշտում հանդիսավոր պայմաններում մեկնարկեց համաբանակային հոբելյանական 15-րդ սպարտակիադայի եզրափակիչ երրորդ փուլը։ Ավելի քան 400 զինծառայողներ, որոնք լավագույնն են ճանաչվել ներզորամասային և ներզորամիավորումային մրցումներում, 10 մարզաձևերում` ռազմամարզական քառամարտ, ռազմամարզական եռամարտ, ռազմականացված կրոսավազք, հրաձգություն ինքնաձիգից, բազկամարտ, կշռաքարերի բարձրացում, ուժային եռամարտ, պարանի ձգում և սպարտակիադայի ծրագրում առաջին անգամ ընդգրկված ռազմամարզական կողմնորոշում և փոխանցումավազք, հինգ օր շարունակ կորոշեն ուժեղագույններին։