Ազգային բանակ
Շատերն են լսել հանրահայտ երգի այս բառերը, շատերն են փորձել գտնել հարցի իրենց պատասխանը: Իհարկե, դժվար հարց է, յուրաքանչյուրն իր ուրույն պատասխանը կունենա` մյուսներից տարբերվող, մի մասն էլ գուցեև ընդհանրապես չկարողանա որևէ խելամիտ պատասխան տալ: Սակայն կան մարդիկ, որոնք հստակ գիտեն, թե ինչ ասել է հայրենիք, որտեղից և ինչից է այն սկսվում, և ինչ պետք է անել Հայրենիք ունենալու պատվին արժանի լինելու համար: Եվ ես վստահ կարող եմ ասել` ովքեր են նրանք:
Գնդապետ Ա.Հարությունյանի հրամանատարությամբ գործող զորամասի հրետանային մարտկոցներից մեկի հաշվարկի անձնակազմին հանդիպեցինք Բաղրամյանի անվան զորավարժարանում, որտեղ նրանք այդ պահին զբաղված էին կրակի կառավարմամբ ու հաշվարկի մարտական վիճակի բերմամբ: Հենց սկզբից նկատվեցին նրանց հմտություններն ու արագ գործելաոճը: Նրանք արագ ընդունում էին նշանակետերի կոորդինատները, ճշտում նշանառությունը, լիցքավորում պայթուցիչները, ընտրում համապատասխան արկը, պայթուցիչները և կատարում մարտական կրակ Դ-20 հրետանային կայանքից: Դադարի պահին որոշեցի մոտենալ ու ծանոթանալ անձնակազմի հետ:
Մարշալ Բաղրամյանի անվան զորավարժարանում հանդիպեցինք փոխգնդապետ Ա.Սահակյանի հրամանատարությամբ գործող զորամասի հրետանային մարտկոցներից մեկի անձնակազմի հետ, որ մարտական հրաձգություն էր կատարում Դ-20 տիպի հրետանային կայանքներից: Տղաների հետ զրույցից ու նրանց բարձր տրամադրությունից պարզվեց, որ հրաձգությունն ընթանում է բավականին լավ, և իրենք գոհ են նախնական արդյունքներից: Դրանում իր մեծ դերն ու նշանակությունն ուներ կապը, որի հստակ և ճիշտ աշխատանքը հենց սկզբից նկատվեց նաև մեր կողմից: Դադարի ժամանակ զրուցեցինք կապավորի՝ Արսենի հետ և ծանոթացանք նրա աշխատանքին:
Շտաբայիններ Սվետլանա Եղոյանին և ենթասպա Օֆելյա Մինասյանին հանդիպեցինք Բաղրամյան զորավարժարանում, որտեղ գնդապետ Ռ.Գասպարյանի հրամանատարությամբ գործող զորամասն անց էր կացնում դաշտային պարապմունքներ: Կարճ զրույցի ընթացքում փորձեցինք պարզել, թե ինչն է նրանց մղել զինվորական ծառայության:
Մոնթե Մելքոնյանի անվան ռազմամարզական վարժարանը հայտարարում է ընդունելություն
Վարժարանը ռազմամարզական թեքումով հանրակրթական հաստատություն է, որն իրականացնում է ավագ դպրոցի (10-րդ, 11-րդ և 12-րդ դասարաններ) պետական հանրակրթական ծրագրեր: Ռազմամարզական վարժարանում տարվում է արական սեռի պատանիների ուսուցում: Ուսուցման լեզուն հայերեն է: Ուսուցման ժամկետը` երեք տարի, որը բաշխվում է շարունակական երեք կուրսի վրա (1-ին կուրս -10-րդ դասարան, 2-րդ կուրս -11-րդ դասարան, 3-րդ կուրս -12-րդ դասարան): Ուսուցումն անվճար է: Ռազմամարզական վարժարան ընդունվելու համար կարող են դիմել հանրակրթական դպրոցի 9-րդ դասարանն ավարտած ՀՀ քաղաքացիները:
ՀՀ պաշտպանության նախարարությունը հայտարարում է մրցույթ` Երևանի պետական բժշկական համալսարանի ռազմաբժշկական ֆակուլտետի դասախոսների հետևյալ թափուր պաշտոնները համալրելու համար
Լրացավ ազգային բանակի կարևորագույն զորատեսակներից մեկի` հակաօդային պաշտպանության զորքերի 21-րդ տարեդարձը: Սովորաբար տոնական տարեթվերը ոչ միայն ուրախանալու, հանդիսավորությամբ նշելու առիթ են հանդիսանում, այլ նաև անցած ճանապարհը վերագնահատելու, արվածն ու չարվածը համադրելու, զարգացման հետագա ընթացքը ճշտելու պահանջ են ներկայացնում: Արցախյան ազատամարտում Ադրբեջանին պարտության մատնելու հիմնական նախադրյալներից մեկը Արցախի օդային տարածքների նկատմամբ հակառակորդի ունեցած սկզբնական գերիշխանության կորուստն էր: Քսանութ մարտական ինքնաթիռների և ուղղաթիռների կործանումից հետո Ադրբեջանն այլևս հաղթանակի ոչ մի հույս չուներ: