ՀՀ ՊՆ «Բաղրամյան» զորավարժարանը զինված ուժերի ամենամեծ ուսումնական կենտրոնն է: Նախատեսված է բոլոր զորատեսակների ստորաբաժանումների՝ դաշտային ելքեր, ճամբարային հավաքներ, տարբեր վարժանքներ, զորավարժություններ, մարտական հրաձգություն անցկացնելու համար՝ ջոկից մինչև գունդ կազմով: Զորավարժարանի տարածքում հնարավոր է կիրառել ցանկացած տեսակի մարտական տեխնիկա և սպառազինություն:

Հունիսի 24-ին մեկնարկել է ամառային զորակոչը: Ծանուցագրում նշված օրը զորակոչիկները ներկայանում են տարածքային ստորաբաժանում: Այստեղ ստուգում են նրանց փաստաթղթերը, այնուհետև բուժզննություն է կատարվում: Բժիշկները լսում են զորակոչիկների առողջական գանգատները, անհրաժեշտության դեպքում՝ ուղարկում լրացուցիչ հետազոտության:

Հատվածներ ՀՀ ՊՆ զորակոչային և զորահավաքային համալրման ծառայության պետի ժամանակավոր պաշտոնակատար, գնդապետ ԱՐԵՆ ՍԱՐԳՍՅԱՆԻ հարցազրույցից

Զորամասերում ամփոփվում է ուսումնական փուլը: Զինծառայողները քննություններ են հանձնում, ցուցադրում են այս ընթացքում ձեռք բերած գիտելիքներն ու հմտությունները: Քննությունների արդյունքներով ուսումնական զորամասերի ժամկետայինները կտեղափոխվեն արդեն հիմնական զորամասեր՝ որպես ջոկի հրամանատարներ, մարտական դիրքի ավագներ:

Զորամասում ուսումնական աշխույժ եռուզեռ է։ Վարժական հավաքների մասնակիցները վերհիշում ու զարգացնում են ժամկետային ծառայության տարիներին ձեռք բերած գիտելիքներն ու մասնագիտական հմտությունները։

Մելինե Թամրազյանը Վազգեն Սարգսյանի անվան ռազմական ակադեմիայի կուրսանտ է: Դասակի հրամանատարը նրան այսպես է ներկայացնում՝ «օրինակելի, բանիմաց կուրսանտ է, առաջադրված խնդիրները կատարում է ճիշտ և ժամանակին, չի վախենում դժվարություններից և պատվով է հաղթահարում դրանք»։

ՀՀ ՊՆ N զորամասում կազմավորման տարեդարձի առթիվ անցկացվել է հանդիսավոր միջոցառում: Հրամանատարությունը շնորհավորել է անձնակազմին, շնորհակալություն հայտնել բարեխիղճ ծառայության, մարտական և մասնագիտական բարձր պատրաստվածության համար։ Զորամասի՝ գերազանց ծառայությամբ աչքի ընկած մի շարք զինծառայողներ խրախուսվել են։