Ռազմաքաղաքական
Անցյալ տարեվերջին ադրբեջանցի քաղաքագետ Մուբարիզ Ահմեդօղլուն ափսոսանքով արձանագրեց, որ հայերը պատերազմից չեն վախենում: «Նրանք հաշտվել են պատերազմի անխուսափելիության հետ,- ասաց Ահմեդօղլուն,- եւ նույնիսկ ուզում են, որ պատերազմն անհապաղ սկսվի, քանի դեռ Ադրբեջանն ավելի չի ուժեղացել» («novosti.az», 21.12.2010):
Այո՛, հայ հասարակությունը պատերազմից չի վախենում: Ավելին, վստահ է, որ պատերազմը վերսկսվելու դեպքում հայոց բանակը նոր տարածքներ է ազատագրելու: Այդ են վկայում համացանցում անցկացվող սոցիոլոգիական հարցումները:
Մեզ համար ամենակարեւոր իրադարձությունները, թերեւս, երկուսն էին` ՀՀ-ում ռուսական ռազմակայանների տեղակայման ժամկետը երկարաձգելու եւ դրանց կարգավիճակը փոխելու վերաբերյալ օգոստոսի 20-ին ստորագրված հայ-ռուսական արձանագրությունը, ռազմատեխնիկական ոլորտում հայ-ռուսական համագործակցության ու փոխըմբռնման հուշագիրը եւ ռազմավարական գործընկերության եւ փոխօգնության մասին օգոստոսի 16-ին Բաքվում ստորագրված ադրբեջանա-թուրքական համաձայնագիրը, որն Ադրբեջանի խորհրդարանը վավերացրեց դեկտեմբերի 21-ին:
Մի շարք փորձագետներ այն կարծիքին են, որ Աստանայում ԵԱՀԿ անդամ-պետությունների ղեկավարների գագաթաժողովից հետո ադրբեջանա-ղարաբաղյան հակամարտության կարգավորման շուրջ բանակցությունները հայտնվեցին փակուղում: Ի՞նչ է լինելու հետո:
Ադրբեջանը սպառնում է պատերազմով, պատրաստվում դրան, բայց Ալիեւի համար դժվար է հարձակման որոշում ընդունել: Դրա համար հիմնավոր եւ խորը հաշվարկ է պետք, իսկ աշխարհում եւ մասնավորապես մեր տարածաշրջանում իրադարձությունների զարգացումը համարյա անկանխատեսելի է:
ԱՄՆ պաշտպանության նախարարության տվյալներով, 2009 թվականին 3230 ամերիկացի զինծառայող ենթարկվել կամ ուրիշին ենթարկել է սեռական բռնության, ինչը 11%-ով ավելի է նախորդ տարվա համեմատ: Ըստ այլ տվյալների` բանակում սեռական բռնությունների 80%-ի մասին հասարակությանը չի տեղեկացվում:
ԱՄՆ Ներկայացուցիչների պալատում քննարկվել է 1993թ. ընդունված այն օրենքը չեղյալ հայտարարելու հարցը, որի համաձայն` բանակում ծառայող համասեռամոլներին արգելվում է բացահայտել իրենց սեռական նախասիրությունները` առաջնորդվելով «Մի՛ հարցրու, մի՛ պատմիր» սկզբունքով:
Գերմանիայի իշխող կոալիցիայի ղեկավարները համաձայնության են եկել երկրում ժամկետային պարտադիր 6-ամսյա զինծառայությունը 2011թ. հուլիսի 1-ին վերացնելու վերաբերյալ: Ժամկետային զինծառայությունը Գերմանիայում վերահաստատվել էր 50 տարի առաջ, եւ այժմ դրա վերացումը էական փոփոխություններ կառաջացնի հասարակության մեջ:
