Չինաստանը J-10B կործանիչների 1 էսկադրիլիա (12-16 ինքնաթիռ) կնվիրաբերի Պակիստանին: Այդ մասին չինական զինվորական հրամանատարությունը հայտնել է Պակիստանի զինված ուժերի գլխավոր շտաբի պետ, գեներալ-լեյտենանտ Վահիդ Արշադի` Չինաստան կատարած այցի ընթացքում:
Նման որոշումը պայմանավորված է երկու երկրների միջև ռազմատեխնիկական համագործակցությունը ամրապնդելու ցանկությամբ:
2009թ. Պակիստանը 1,4 միլիարդ դոլար արժողությամբ 36 J-10 կործանիչներ գնելու պայմանագիր էր կնքել` հետագայում նման ինքնաթիռների թիվը զինված ուժերում նախատեսելով հասցնել 150 միավորի: Երկիրը նաև գնում է չինական արտադրության ռազմական այլ ինքնաթիռներ:

Ադրբեջանի պաշտպանության նախարար Սաֆար Աբիեւը, օրերս ելույթ ունենալով Հեյդար Ալիեւի անվան Բարձրագույն ռազմական դպրոցի շրջանավարտների առջեւ, մի պահ մոռացել է, որ ժամանակին, մարտի դաշտում բախտի քմահաճույքին թողնելով զինակիցներին, ճողոպրել է: Հիշողության կորստի հենց այդ պահին էլ դասալիք նախարարը ադրբեջանցի ապագա սպաներին պատգամել է. «Պետք է պատրաստ լինեք ցանկացած պահի մարտի նետվելու՝ օկուպացված տարածքների ազատագրման համար։ Մի՛ մոռացեք, որ հայրենիքը ձեզանից սպասում է քաջություն եւ հաստատակամություն»:

Ադրբեջանի ղեկավարությունը չէր էլ թաքցնում, որ հունիսի 26-ի զինվորական շքերթն ունի զուտ քաղաքական նշանակություն՝ վախեցնել հայերին: Բայց նույնիսկ շքերթի ժամանակ ի հայտ եկան ադրբեջանական բանակի թերությունները:
Շքերթը հեռարձակվում էր ոչ թե ուղիղ եթերում, ինչը հայտարարվել էր նախօրոք, այլ՝ 40 րոպե ուշացումով (հեռարձակումը սկսվել է 11:30-ին): «Երբ եթերում հնչեց հաղորդավարի ձայնը, բաքվեցիների գլխավերեւում սկսեցին խումբ-խումբ թռչել ինքնաթիռները, յուրաքանչյուր խմբում երկու, չորս կամ վեց ինքնաթիռ: Սակայն հեռուստատեսությամբ դա ցուցադրվեց միայն կես ժամ հետո»,- գրում է «contact.az»-ը:

Մարտական պատրաստության ընթացքում ռուս զինվորականները կկիրառեն շվեյցարացի լեռնային հրաձիգների փորձը: Այդ մասին Շվեյցարիայի զինված ուժերի գլխավոր հրամանատար գեներալ Անդրե Բլատմանի հետ բանակցություններից հետո հայտարարել է Ռուսաստանի զինված ուժերի գլխավոր շտաբի պետ բանակի գեներալ Նիկոլայ Մակարովը: Նա նշել է, որ ռուսական կողմը հետաքրքրվում է նաև շվեյցարական արտադրության ռազմաբժշկական սարքավորումներով:

Ադրբեջանի պաշտպանության նախարար Սաֆար Աբիևը, օրերս ելույթ ունենալով Հեյդար Ալիևի անվան Բարձրագույն ռազմական դպրոցի շրջանավարտների առջև, մի պահ մոռացել է, որ ժամանակին, մարտի դաշտում բախտի քմհաճույքին թողնելով զինակիցներին, ճողոպրել է: Հիշողության կորստի հենց այդ պահին էլ դասալիք նախարարը ադրբեջանցի ապագա սպաներին պատգամել է. «Պետք է պատրաստ լինեք ցանկացած պահի մարտի նետվելու՝ օկուպացված տարածքների ազատագրման համար։ Մի՛ մոռացեք, որ հայրենիքը ձեզանից սպասում է քաջություն և հաստատակամություն»:

Հունիսի 24-ին Հայաստանի եւ Ադրբեջանի նախագահների՝ Կազանում ՌԴ նախագահ Դ.Մեդվեդեւի միջնորդությամբ տեղի ունեցած հանդիպումը ԼՂ հարցում «բեկումնային» չէր: «Ադրբեջանական կողմը մոտ մեկ տասնյակ փոփոխություններ առաջարկեց, եւ դա էր պատճառը, որ Կազանի հանդիպումը բեկումնային չեղավ»,- հանդիպումից հետո հայտարարեց ՀՀ արտգործնախարար Էդվարդ Նալբանդյանը:

ԼՂՀ պաշտպանության բանակի մայոր Օնիկ Գրիգորյանը Լեռնային Ղարաբաղի հանրային հեռուստատեսությամբ վերջերս հայտարարեց. «Որպես առաջին գծում երկար ժամանակ ծառայած սպա՝ ես հասկացել եմ, որ հակառակորդը կրակում է հիմնականում վախից, ավելի հաճախ՝ գիշերը: Իսկ մենք վախենալու ոչինչ չունենք. մեր դիմաց նույն բարոյալքված հակառակորդն է, մանավանդ որ մենք գիտենք, թե այսօր ինչ է կատարվում ադրբեջանական բանակում» (http://www.regnum.ru/news/1415594.html):