ՀԻՇՈՂՈՒԹՅԱՆ ԱՆՄԱՐ ԿՐԱԿԸ

Հայրենական մեծ պատերազմում տարած հաղթանակի տոնի նախօրեին «Ռոսսոտրուդնիչեստվո» ընկերության ներկայացուցչությունը Հայաստանում իրականացրել է «Հիշողության կրակ» ակցիան։

Միջոցառման շրջանակում «Հիշողության կրակի» լամպերից մեկը հանձնվել է ծովակալ Իսակովի անվան թիվ 132 դպրոցի թանգարանին։ Երկրորդ լամպը հանձնվել է ՀՀ վետերանների միությանը։

Երրորդ լամպը հանդիսավոր արարողության ժամանակ  «Մայր Հայաստան» զինվորական պատմության թանգարանին է փոխանցել 98-ամյա վետերան Ներսես Սիմոնյանը։

ՀՀ-ում ՌԴ դեսպանատան խորհրդական Ալեքսանդր Նովիկովը շեշտել է հաղթանակի և այդ հաղթանակը կերտողների հիշատակը վառ պահելու կարևորությունը։

«Հիշողության կրակ» ակցիային մասնակցում է 12 երկիր։

Լուսանկարը՝ ԱՐԵԳ ՎԱՐԴԱՆՅԱՆԻ