«ԶԻՆՈՒԺ» ՄԵԴԻԱՅԻ» ՀԵՐԹԱԿԱՆ ՁԵՌՔԲԵՐՈՒՄԸ
«Զինուժ» մեդիան» արձանագրեց իր հերթական ձեռքբերումը: Պաշտպանության նախարարության «Հայ զինվոր» հանդեսը 2020 թ. մասնակցեց Հայրենական մեծ պատերազմի հաղթանակի 75-րդ տարեդարձին նվիրված ԱՊՀ երկրների IV միջազգային մրցույթին՝ ներկայացնելով լրագրողներ՝ Գայանե Պողոսյանի, Քնարիկ Թադևոսյանի, Ալիս Ալավերդյանի, Հասմիկ Մադոյանի թեմատիկ հոդվածներն ու ֆոտոթղթակից Արեգ Վարդանյանի լուսանկարները: Մեր ստեղծագործական թիմի պատկերավոր ու սրտառուչ հրապարակումներն արժանացել են մասնագետների ամենաբարձր գնահատականին: Դաշնակից պետությունների ռազմական համագործակցությունը ամրապնդելու և զարգացնելու գործում ներդրած ավանդի և լավագույն լրագրողական աշխատանքի համար ԱՊՀ երկրների պաշտպանության նախարարների խորհրդի նախագահ, ՌԴ պաշտպանության նախարար, բանակի գեներալ Սերգեյ Շոյգուն վերոնշյալ աշխատակիցներին պարգևատրել է անվանական պատվոգրերով:
