Language:

  • Հայերեն
  • Русский
  • English

ԵՌԱԲԼՈՒՐԻ ՁԱՅՆԸ



ԵՌԱԲԼՈՒՐԻ ՁԱՅՆԸՄարմինս փնտրեք խրամատիս մեջ

ԱՍՏՎԱԾ է վկա, ես չեմ նահանջել,

Գնդակներս էլ թուրքի սրտի մեջ

Փամփուշտներս ես իզուր չեմ պարպել:

 

Հոգիս Ձեզ հետ է, պետք չէ այն փնտրել

Թողել եմ Ձեզ հետ տանեք Սասուն-Մուշ:

Թե հիշատակս ուզեք խնկարկել,

Էրգրի սարերին այրեք մի չոր փուշ:

 

Ես բրոնզաձույլ արձան չեմ ուզում,

Կրծքիս խաչից էլ փամփուշտներ ձուլեք:

Միայն ինձ տվեք զինվորի երդում,

Որ հարյուրամյա վրեժս լուծեք:

 

Տղե՛րք, մեզ մոտ էլ ոտքի տեղ չկա,

Ուս ուսի տված հազիվ ենք պառկել:

Տղե՛րք, մեզ մոտ էլ ոչ մեկդ չգա,

Եթե շատանանք, էլ չենք կարող հաղթել:

 

Մեզանով փակեք Հայոց պատմության

Արյունով գրված բյուր հատորները:

Դուք կյանքով լեցուն ու հավերժական

Ձեր ճամփան կերտեք ու բյուր դարերը:

 

ՌՈՄԻԿ ՄԱՐԳԱՐՅԱՆ

Գեներալ-մայոր

Խորագիր՝ #51 (1371) 23.12.2020 - 29.12.2020, Հոգևոր-մշակութային


24/12/2020