Language:

  • Հայերեն
  • Русский
  • English

ՄԱՐՏԱՎԱՐԱՇԱՐԱՅԻՆ ԵՐԿՕՐՅԱ ՊԱՐԱՊՄՈՒՆՔՆԵՐ 4-ՐԴ ԶՈՐԱՄԻԱՎՈՐՈՒՄՈՒՄ



ՄԱՐՏԱՎԱՐԱՇԱՐԱՅԻՆ ԵՐԿՕՐՅԱ ՊԱՐԱՊՄՈՒՆՔՆԵՐ 4-ՐԴ ԶՈՐԱՄԻԱՎՈՐՈՒՄՈՒՄՄարտական պատրաստականության բարձր աստիճանի բերման ժամանակ վարչակազմի և ստորաբաժանումների անձնակազմերի գործողությունները հստակեցնելու և մասնագիտական հմտությունները կատարելագործելու նպատակով փետրվարի 20-ից 21-ը 4-րդ զորամիավորումում անցկացվել են մարտավարաշարային տեսական և գործնական պարապմունքներ:

Մարտավարաշարային պարապմունքներին հետևել է ՀՀ ԶՈՒ գլխավոր շտաբի հանձնաժողովը՝ ԶՈւ ԳՇ օպերատիվ գլխավոր վարչության պետի առաջին տեղակալ, գեներալ-մայոր Կոմիտաս Մուրադյանի ղեկավարությամբ։

Ստորաբաժանումները բերվել են մարտական պատրաստականության բարձր աստիճանի, առաջադրված մարտական խնդիրը կատարելու համար սահմանված ժամանակահատվածում զբաղեցրել կենտրոնացման շրջանները։

Ամփոփելով պարապմունքների արդյունքները, զորամիավորման հրամանատար, գնդապետ Ա. Բուդաղյանը հանձնարարականներ է տվել արձանագրված բացթողումները վերացնելու վերաբերյալ:

Խորագիր՝ Նորություններ


24/02/2020