ԱՆՈՐՈՇՈՒԹՅՈՒՆԸ ՆՅԱՐԴԱՅՆԱՑՆՈՒՄ Է ԱԴՐԲԵՋԱՆԻՆ
Կովկասի ինստիտուտի փոխտնօրեն Սերգեյ Մինասյանի խոսքով, Հայաստանը զարգացնում է հեռահար ոչնչացման հրթիռային համակարգերը, ինչի ապացույցն են սեպտեմբերի 21-ին Երեւանում կայացած զինվորական շքերթում ցուցադրված մեծ հեռահարության «СКАД» եւ «Смерч» համակարգերը: Ինչ վերաբերում է «Փոթորիկ» համակարգերը չցուցադրելու պատճառին, ապա Մինասյանը մատնանշել է այսպես կոչված «անորոշության ռազմավարության» հայեցակարգը, ըստ որի՝ ամենահզոր զինատեսակը չի ցուցադրվում՝ հավանական հակառակորդի գործողությունները դժվարացնելու նպատակով:
Միաժամանակ Ս. Մինասյանն ընդգծել է, որ «Փոթորիկ» համակարգերի մատակարարումը հայկական կողմի համար բավական մեծ նշանակություն ունի: Այն թեեւ հզորությամբ զիջում է այլ համակարգերի, սակայն Հայաստանում պահպանվել են «Փոթորիկի» մեծաքանակ հրթիռներ:
Հիշեցնենք, որ, ըստ մոլդովական մամուլի, Հայաստան է առաքվել 10-ից ավելի «Փոթորիկ» հրթիռային համակարգ: Այս լուրը իրարանցում է առաջացրել Ադրբեջանում:
Խորագիր՝ #41 (906) 20.10.2011 – 26.10.2011, Ռազմաքաղաքական
