ՄԱՐՏԱՎԱՐԱԿԱՆ ԶՈՐԱՎԱՐԺՈՒԹՅՈՒՆ՝ ՄԱՐՏԱԿԱՆ ՀՐԱՁԳՈՒԹՅԱՄԲ
2-րդ զորամիավորման զորամասերում ընթացող տեսչական ստուգումների շրջանակում, պատրաստականության տարբեր աստիճանի բերման ժամանակ ստորաբաժանումների հրամանատարների գործնական ունակություններն ամրապնդելու և զարգացնելու նպատակով, հունիսի 11-ին անցկացվել է մարտավարական զորավարժություն՝ մարտական հրաձգությամբ:
Ներգրավված ստորաբաժանումներն անհատական կրակով, հրետանային համազարկերով ու տանկային վաշտերի կրակով ոչնչացրել են պայմանական հակառակորդի՝ առաջնագծում և պաշտպանության խորքում տեղակայված հենակետերը: Զորավարժությանը հետևել են Գլխավոր ռազմական տեսուչ, գեներալ-գնդապետ Մովսես Հակոբյանը և զորամիավորման հրամանատարական կազմը:
