Հայերեն | На русском | In English

Մենյու
Խորագրեր
ԱԴՐԲԵՋԱՆԻ ՀՆԱՐԱՎՈՐՈՒԹՅՈՒՆՆԵՐԸ ՍԱՀՄԱՆԱՓԱԿ ԵՆ
ԱԴՐԲԵՋԱՆԻ ՀՆԱՐԱՎՈՐՈՒԹՅՈՒՆՆԵՐԸ ՍԱՀՄԱՆԱՓԱԿ ԵՆ

«Oxford Analytica» միջազգային խորհրդատվական-վերլուծական կենտրոնի փորձագետների կարծիքով, ադրբեջանա-ղարաբաղյան զինված հակամարտության վերսկսումը Արևմուտքի համար կունենա երեք անցանկալի հետևանք.

ա) Կտուժեն Ադրբեջանի խողովակաշարերը, մասնավորապես` «Բաքու-Թբիլիսի-Ջեյհան» նավթամուղը, իսկ միջազգային շուկաներում զգալիորեն կաճի նավթի գինը:

բ) Կվտանգվի Ադրբեջանի վրայով անցնող օդային միջանցքը, որով կատարվում է Աֆղանստանում գտնվող ամերիկացի զինծառայողների մատակարարումների ավելի քան 70 տոկոսը:

գ) Ռուսաստանը կարող է միջամտել հակամարտությանը և մեծացնել իր ազդեցությունը Հարավային Կովկասում, ինչի արդյունքում Վրաստանը կհայտնվի է՛լ ավելի մեկուսացված վիճակում:

Փորձագետների կարծիքով, ռազմական գործողությունները զսպող գործոն է ոչ այնքան միջազգային հանրության ճնշումը, որքան Ադրբեջանի զինված ուժերի ցածր մարտունակությունը. Ադրբեջանը գիտակցում է, որ իր հնարավորությունները սահմանափակ են: