Հայերեն | На русском | In English
Փետրվարի 20-ին պաշտպանության նախարար Դավիթ Տոնոյանը հանդիպել է պաշտպանության նախարարին կից հասարակական խորհրդի նախաձեռնությամբ անցկացվող «Պատմության և մշակույթի էջեր» ծրագրի մասնակիցներին։
9 տարի շարունակ իրականացվող ծրագրում ներգրավված պատմության և մշակույթի ոլորտի ավելի քան 250 հեղինակավոր գործիչներ պարբերաբար այցելել են զորամասեր, հանդես եկել 1000-ից ավելի դասախոսություններով:
Արժևորելով ծրագրի դերը զինծառայողների հայրենասիրական դաստիարակության գործում՝ Դավիթ Տոնոյանը ծրագրի մասնակիցներին հավաստիացրել է, որ յուրաքանչյուր նման այցելություն ու հանդիպում նոր լիցք է հաղորդում ազգային բանակի զինվորներին և սպաներին։
Հանդիպման ավարտին պաշտպանության նախարարը զինծառայողների ազգային, հայրենասիրական դաստիարակության գործում ունեցած ներդրման, ինչպես նաև ծրագրին ցուցաբերած ակտիվ մասնակցության համար պատվոգրերով և հուշամեդալներով է պարգևատրել մի շարք արվեստագետների և գիտնականների։
