ՀԱՅՐԵՆԻՔԻ ՊԱՇՏՊԱՆԸ՝ ՀԱՅ ՄԱՆՈՒԿՆԵՐԻ ՈԳԵՇՆՉՄԱՆ ԱՂԲՅՈՒՐ
Բանակի օրվա կապակցությամբ ԶՈՒ ԱՀՏԱ վարչության մի խումբ սպաներ հրավիրվել և ներկա են եղել «ՌԻՈ» առևտրաժամանցային կենտրոնի նկարչական անկյունում կազմակերպված միջոցառմանը: Միջոցառման շրջանակներում «Ուսում» հանրակրթական դպրոցի սաները Հայ զինվորին ուղղված ջերմ և ոգևորող նամակներ, ստեղծել Հայոց բանակին նվիրված գեղանկարներ:
Հընթացս սպաները ողջունել են երեխաներին, ծանոթացել ու մտերմիկ զրուցել նրանց հետ: Միջոցառմանը մեծ հետաքրքրություն են ցուցաբերել կենտրոն այցելած քաղաքացիները: Առանձնահատուկ տպավորություն են ստացել հատկապես կենտրոն այցելած օտարերկրյա զբոսաշրջիկները, որոնց համար նման ձևաչափի միջոցառումը նորություն է եղել. նրանք չեն թաքցրել իրենց զարմանքն ու հիացմունքը: Օրվա խորհրդին առանձնակի շուք է հաղորդել պաշտպանության նախարարության «Զորական» համույթի ելույթը: Միևնույն ժամանակ, հենց այստեղ այցելուները հաճույքով ըմբոշխնել են զինվորական խոհանոցի ուտեստները:
Միջոցառման ավարտին երեխաների նամակներն ու նկարները պաշտպանության նախարարության փոստով ուղարկվել են մարտական հերթապահություն իրականացնող զորամասեր, հանձնվել հասցեատերերին՝ առաջացնելով ոգևորության մեծ ալիք դիրքապահ զինվորների մոտ:
Խորագիր՝ Նորություններ
