Հայերեն | На русском | In English
Զինվորի ծնողների համար ամենասպասված պահն է: Երկու տարի պատվով ծառայելուց հետո տղաներն ստանում են իրենց զինվորական գրքույկները, զորացրվում և տուն վերադառնում: Զորամասի հրամանատարը շարքի առաջ սեղմում է նրանց ձեռքը, շնորհակալություն հայտնում բարեխիղճ ծառայության համար: Հրանոթի հրամանատար, կրտսեր սերժանտ Ավագ Պապյանը և հրանոթի նշանառու, կրտսեր սերժանտ Գոռ Արևշատյանը հրաժեշտ են տալիս իրենց զինվորական ընտանիքին: Գիտելիքներով և կենսափորձով հարստացած, բարձր տրամադրությամբ նրանք կյանքի նոր փուլ են մտնում: Ու ամեն մեկը մտքում ասում է՝ մա՛մ ջան, տուն եմ գալիս, ամեն ինչ լավ է լինելու…
ԼՈՒՍ.՝ ԱՐԵԳ ՎԱՐԴԱՆՅԱՆԻ
