Հայերեն | На русском | In English
Նոյեմբերի 1-ին ՊՆ խաղաղապահ ուժերի բրիգադում հոգևոր դաստիարակության օր էր, «Հայաստանի Աստվածաշնչյան ընկերության» ծրագրերի տնօրեն Ա. Գաբուջյանը և 5-րդ զորամիավորման ավագ գնդերեց Տեր Ենովք քահանա Եսայանը բրիգադի զինծառայողների հետ անցկացրին հոգևոր զրույց Աստվածաշնչյան թեմաներով:
Ծայրագույն վարդապետ Ա. Գաբուջյանը ներկայացրեց «Հայաստանի Աստվածաշնչյան ընկերության» առաքելության նպատակը՝ շեշտելով, որ այն մատաղ սերնդին հայեցի և քրիստոնեական ավանդույթների ոգով դաստիարակությունն է և քրիստոնեական ավանդների սերմանումը:
Ա. Գաբուջյանը նշեց, որ դրանք իրագործելու համար կազմակերպված է սերտ համագործակցություն Առաքելական սուրբ եկեղեցու հետ: Ծրագրերը կյանքի կոչելու համար ակտիվ համագործակցում են նաև ՀՀ ԶՈՒ հոգևոր առաջնորդ Վրթանես եպիսկոպոս Աբրահամյանի հետ:
Ա. Գաբուջյանը նշեց, որ մեծապես կարևորում են հոգևոր աշխատանքը զինվորականների հետ, քանզի ավելի վեհ մասնագիտություն, քան հայրենիքի պաշտպան լինելն է, նա չի պատկերացնում:
Պարապմունքի ընթացքում ծայրագույն վարդապետը պատասխանեց զինծառայողների բազում հարցերին: Ավարտին զորամասի գրադարանին նվիրեց «Հայաստանի Աստվա¬ծաշնչյան ընկերության» նոր հրատարակած Աստվածաշունչ մատյաններ:
