ՊՈՒՏԻՆԻՆ ՑՈՒՑԱԴՐԵԼ ԵՆ ՌՈՒՍԱԿԱՆ ՆՈՐԱԳՈՒՅՆ ՏԱՆԿԸ
Ռուսաստանի վարչապետ Վլադիմիր Պուտինը այցելել է Նիժնի Տագիլում անցկացվող սպառազինության և ռազմական տեխնիկայի միջազգային ցուցահանդես, ծանոթացել «Ուրալվագոնզավոդ» ընկերության ցուցասրահին: Նրան ներկայացվել է Т-90С ռուսական նորագույն տանկը:
Այս տանկի առավելություններից են մինչև 5 կմ հեռահարությամբ հրթիռները: Սովորական արկերը թիրախը խոցում են մինչև 2 կմ հեռավորության վրա, ինչպես, օրինակ` ամերիկյան Abrams և գերմանական Leopard տանկերը:
Ռուսական տանկերի նախորդ մոդիֆիկացիաներից Т-90С-ն տարբերվում է ավելի հզոր շարժիչով և ուժեղացված պաշտպանությամբ: Ավանդական զրահից բացի, այստեղ կիրառվել է նաև էլեկտրամագնիսական պաշտպանություն:
Տանկում առաջին անգամ կիրառվել է անվաղեկային ղեկավարման մեխանիզմ, ինչպես նաև ավտոմատ փոխանցումատուփ` մեխանիկականի անցնելու հնարավորությամբ: Այդպիսով նվազել են վարորդի ծանրաբեռնվածությունն ու վառելիքի ծախսը:
Т-90С-ն համալրված է գիշերային տեսանելիության սարքով, ետևի պատկերի վերարտադրման տեսախցիկով, կապի և տեղորոշման ժամանակակից համակարգով, քառակողմ համայնապատկերի ապահովման համակարգով, լազերային հեռաչափերով ու նշանոցներով, օդորակիչով:
Բոլոր նորամուծություններին ծանոթանալուց հետո Վլադիմիր Պուտինն անձամբ փորձարկել է տանկի ղեկավարման սարքավորումները` նստելով տանկի հրամանատարի համար նախատեսված տեղում:
Խորագիր՝ Նորություններ, Ռազմական
