Քո լույս ճակատը թող երբեք չամպի,

Հայոց բանակի նորաթուխ զինվոր,

Մայրդ, հայացքը հառած քո ճամփին,

Քեզ հետ է, որդի՛ս, Աստծո ամեն օր:

 

Հայոց բանակում կկոփես կամքդ,

Սահմանին, որդի՛ս, կկանգնես անահ,

Պահպանիր, որդի՛ս, հույսդ, հավատքդ,

Իմ քսանամյա քաջ սահմանապահ:

 

…Երկու տարի անց դու տուն կդառնաս,

Մնում ենք ճամփիդ սիրով, կարոտով,

Մենք հպարտությամբ կժպտանք, տղա՛ս,

Կգրկենք, որդի՛ս, քեզ բաց ճակատով:

 

ԱՆԱՀԻՏ ԴԱՆԻԵԼՅԱՆ