Փետրվարի 18-ից մարտի 16-ը Մեծ Բրիտանիայի զինված ուժերի ռազմական ուսումնախորհրդատվական խմբի հրահանգիչները ՀՀ ԶՈՒ «ԶԱՌ» ուսումնական կենտրոնում ՀՀ ՊՆ խաղաղապահ բրիգադի հրահանգչական կազմի համար անցկացրել են խաղաղապահ հրահանգիչների դասընթաց, որի շրջանակում 20 հրահանգիչներ են պատրաստվել միջազգային չափորոշիչներին համապատասխան դասընթացներ անցկացնելու համար:

Մարտի 16-ին, դասընթացի ավարտական արարողության ժամանակ, շրջանավարտներին ավարտական հավաստագրերը հանձնեց ՀՀ–ում Միացյալ Թագավորության դեսպան Ջուդիթ Ֆարնուորթը: Առավել ակտիվություն և գիտելիքների բարձր մակարդակ ցուցաբերած զինծառայողները հընթացս պարգևատրվել են խորհրդանշական նվերներով: