Փետրվարի 15-ին 3-րդ զորամիավորումում մեկնարկեց 2018 ուսումնական փուլը: Այդ առիթով կազմակերպված միտինգին ելույթ ունեցան զինված ուժերի օպերատիվ վարչության պետ-գլխավոր շտաբի պետի տեղակալ, գեներալ-մայոր Տիրան Խաչատրյանը, զորամիավորման հրամանատար, գնդապետ Գրիգորի Խաչատուրովը: Նրանք շնորհավորեցին անձնակազմին ուսումնական նոր փուլի կապակցությամբ: 

Գեներալ-մայոր Տ. Խաչատրյանը իր խոսքում նշեց, որ 3-րդ զորամիավորումը միշտ էլ աչքի է ընկել բարձր ցուցանիշներով եւ օրինակ ու չափանիշ է եղել զինված ուժերում: Զորամիավորման հրամանատար, գնդապետ Գ. Խաչատուրովն էլ պատրաստակամություն հայտնեց այս տարվա առաջին կիսամյակում եւս ցույց տալու բարձր ցուցանիշներ:

 3-րդ զորամիավորման թղթակցական կետ