ՀԻՇԱՏԱԿԻ ԱՐԱՐՈՂՈՒԹՅՈՒՆ

27-ը հոկտեմբերի 2017թ.: Սպարապետ Վազգեն Սարգսյանի անունը կրող զորամասում հավաքվել էին 5-րդ ԶՄ հրամանատարությունը, Արարատի մարզի երկրապահ կամավորականները, համայնքապետները, Սպարապետի մտերիմները եւ զինակիցները, պարզապես մարդիկ, որոնք իրենց պարտավորված էին զգում այդ օրը հարգանքի տուրք մատուցելու նահատակներին:

Զորամասում կազմակերպվեց ոգեկոչման արարողություն: Հիշատակի արարողությունն սկսվեց գնդապետ Կ. Սերոբյանի զեկույցով:

Նա հավաստիացրեց, որ զորամասը հավատարիմ է Սպարապետի եւ զինակից ընկերների պատգամներին: 

Իր ելույթում ԶՄ հրամանատար, գեներալ–մայոր Ա.Դավթյանը շեշտեց, որ Վ. Սարգսյանի կյանքն ու գործունեությունը օրինակ պետք է ծառայեն բոլորին, իսկ հիշատակը հարգելու ամենաճիշտ ձեւը մեր ամենօրյա բարեխիղճ, անբասիր ու նվիրված ծառայությունն է հայրենիքին: Այնուհետեւ միջոցառումները շարունակվեցին Սպարապետի  տուն–թանգարան այցելությամբ, որտեղ Գրետա մայրիկը հյուրերին պատմեց հետաքրքիր դրվագներ Վազգեն Սարգսյանի կյանքից:

5-ՐԴ ԶՄ ԹՂԹԱԿՑԱԿԱՆ ԿԵՏ