ՀԱՄԱԲԱՆԱԿԱՅԻՆ ՄՐՑՈՒՅԹՆԵՐԻ ԱՄՓՈՓՈՒՄ

Հրետանային ստորաբաժանումների պատրաստության մակարդակը եւ մրցակցային ոգին բարձրացնելու, ինչպես նաեւ մրցույթների ընթացքում ձեռք բերված առաջավոր փորձը ստորաբաժանումներում եւ ջոկերում ներդնելու նպատակով ամեն տարի ՀԶ եւ Հ վարչությունները կազմակերպում եւ անցկացնում են մասնագիտական մրցույթներ: Ուսումնական տարվա ընթացքում անցկացվել են հրետանավոր սպաների՝ հրթիռային զորքերի եւ հրետանու կազմավորման 25-ամյակին նվիրված «Կրակային վահան-2017», ԶՈՒ «Լավագույն գումարտակային ականանետային դասակ» եւ «Լավագույն օպտիկական հետախուզության ջոկ» համաբանակային մրցույթները, որոնց եզրափակիչ փուլերն անցկացվել են «Բաղրամյան» զորավարժարանում:

Մրցույթներն անցել են բարձր մրցակցային մթնոլորտում: Համաձայն կանոնակարգի՝ մասնակիցներն իրենց ունակություններն են դրսեւորել տարբեր մարզաձեւերի, մարտական հրաձգությամբ կրակային խնդիրների եւ մասնագիտական նորմացույցների կատարումից:

Մրցույթների արդյունքներով տեղերը բաշխվել են.

«ԿՐԱԿԱՅԻՆ ՎԱՀԱՆ-2017»

 1-ին խումբ

1-ին տեղ՝ զորամասի հրետանու ֆակուլտետի, հրետանու մարտավարության եւ մարտական կիրառման ամբիոնի, մարտական աշխատանքի ցիկլի ավագ դասախոս, փոխգնդապետ Հովիկ Ցոլակի Քոսակյան:

2-րդ տեղ՝ զորամասի օպերատիվ բաժնի պետ – շտաբի պետի տեղակալ, փոխգնդապետ Արամ Համլետի Հովսեփյան:

3-րդ տեղ՝ զորամասի ռեակտիվ հրետանային դիվիզիոնի հրամանատար, փոխգնդապետ Սպարտակ Վաչագանի Խաչատրյան:

2-րդ խումբ

1-ին տեղ՝ զորամասի ուսումնական հրետանային դիվիզիոնի, ուսումնական ականանետային մարտկոցի, 82 մմ հաշվարկի հրամանատարների պատրաստման ուսումնական դասակի հրամանատար, կապիտան Արթուր Նորայրի Աբաջյան:

2-րդ տեղ՝ զորամասի հրետանային մարտկոցի հրամանատար, կապիտան Արման Օնիկի Հակոբյան:

3-րդ տեղ՝ զորամասի խառը հրետանային դիվիզիոնի, հրետանային մարտկոցի հրամանատար, կապիտան Սասուն Արտուշի Վարդանյան:

«ԼԱՎԱԳՈՒՅՆ ԳՈՒՄԱՐՏԱԿԱՅԻՆ ԱԿԱՆԱՆԵՏԱՅԻՆ ԴԱՍԱԿ»

 1-ին տեղ` զորամասի հրաձգային գումարտակի ականանետային դասակ, հրամանատար՝ լեյտենանտ Ա.Ավագիմյան:

2-րդ տեղ` զորամասի հրաձգային գումարտակի ականանետային դասակ, հրամանատար՝ ավագ լեյտենանտ Տ. Համբարյան:

3-րդ տեղ` զորամասի հրաձգային գումարտակի ականանետային դասակ, հրամանատար՝ ավագ լեյտենանտ Մ. Ասլանյան:

«ԼԱՎԱԳՈՒՅՆ ՕՊՏԻԿԱԿԱՆ ՀԵՏԱԽՈՒԶՈՒԹՅԱՆ ՋՈԿ»

 1-ին տեղ՝ զորամասի հրետանային դիվիզիոնի կառավարման դասակի հետախուզական ջոկ, ջոկի հրամանատար, սերժանտ Մ.Մեհրաբյան:

2-րդ տեղ՝ զորամասի հետախուզական դիվիզիոնի օպտիկական հետախուզական մարտկոցի 1-ին օպտիկական հետախուզական դասակի  1-ին օպտիկական հետախուզական ջոկ, ջոկի հրամանատար, սերժանտ Ս.Գալստյան:

3-րդ տեղ՝  զորամասի ռեակտիվ հրետանային դիվիզիոնի 2-րդ ռեակտիվ հրետանային մարտկոցի կառավարման դասակի հետախուզական ջոկ, ջոկի հրամանատար, կրտսեր սերժանտ Էրիկ Արթուրի Օհանյան եւ զորամասի 2-րդ Դ-20 հրետանային դիվիզիոնի կառավարման դասակի հետախուզական ջոկ, ջոկի հրամանատար, սերժանտ Հ. Թարխանյան (վաստակել են հավասար միավորներ):

Մրցույթների անցկացումը նպաստել է ստորաբաժանումների պատրաստության մակարդակի բարձրացմանը եւ առաջավոր փորձի փոխանակմանը:

ՀՀ ԶՈւ ԳՇ պետի հրամանով մրցույթում մրցանակային տեղեր զբաղեցրած ստորաբաժանումները եւ սպաները արժանացել են տարբեր խրախուսանքների: