Հայ զինվոր

ՀՀ ԶՈՒ ԶՈՐԱՎԱՐԺԱՐԱՆՆԵՐՈՒՄ ՇԱՐՈՒՆԱԿՎՈՒՄ Է «ՈՐՈՆՈՒՄ-2017» ԶՈՐԱՎԱՐԺՈՒԹՅԱՆ ԵՐԿՐՈՐԴ ՓՈՒԼԸ

Հոկտեմբերի 6-ին ՀՀ զինված ուժերի զորավարժարաններում շարունակվել է ՀԱՊԿ անդամ պետությունների զինված ուժերի հետախուզական ուժերի և միջոցների «Որոնում-2017» համատեղ մարտավարական–մասնագիտական զորավարժության երկրորդ փուլը, որի շրջանակում խաղարկվում են ՀԱՊԿ անդամ պետությունների հետախուզական և հատուկ ստորաբաժանումների կիրառական գործողությունները:

Մարտավարամասնագիտական զորավարժությանը զուգահեռ ՀՀ տարածքում հոկտեմբերի 6-ին ՀԱՊԿ օպերատիվ արձագանքման հավաքական ուժերի հրամանատարության հետ անցկացվել են հրամանատարաշտաբային մարզումներ: