ԳԵՆԵՐԱԼ ՍԱՐԳԻՍ ՄԱՐՏԻՐՈՍՅԱՆԻ ԱՆՎԱՄԲ ՓՈՂՈՑՆԵՐ ՌԴ ԲԵԼԳՈՐՈԴ ԵՎ ՍՏԱՐԻ ՕՍԿՈԼ ՔԱՂԱՔՆԵՐՈՒՄ

Բելգորոդի քաղաքապետարանի որոշմամբ՝ քաղաքի Վոստոչնի միկրոշրջանի փողոցներից մեկը անվանակոչվել է Երկրորդ աշխարհամարտի ժամանակ քաղաքը գերմանաֆաշիստական զորքերից ազատագրող 340-րդ հրաձգային դիվիզիայի, իսկ հետագայում նաեւ 73-րդ հրաձգային կորպուսի հրամանատար, Խորհրդային Միության հերոս, գեներալ-լեյտենանտ Սարգիս Սողոմոնի Մարտիրոսյանի անվամբ։

Այս տարվա հունիսի 13-ին նույնպիսի որոշում ընդունել է նաեւ Բելգորոդի մարզի Ստարի Օսկոլ քաղաքի քաղաքապետարանը։ Քաղաքի նորակառույց Նեզնամովո թաղամասի փողոցներից մեկը եւս կոչվել է Ս. Մարտիրոսյանի անունով։

Ս. Մարտիրոսյանի անունն է կրում Ուկրաինայի մայրաքաղաք Կիեւի փողոցներից մեկը, որտեղ քաղաքի ազատագրումից հետո Ս. Մարտիրոսյանը եղել է կայազորի պետը։