ՆՈՐԱԿՈՉԻԿՆԵՐՆ ԸՆՏԵԼԱՆՈՒՄ ԵՆ ԶԻՆՎՈՐԱԿԱՆ ԿՅԱՆՔԻՆ
Կ. ԱՎԱՆԵՍՅԱՆ
Զորամասի հրամանատարի
ԱՀՏԱ գծով տեղակալ, մայոր
Բանակ զորակոչված երիտասարդի համար զինվորական կյանքը նոր երեւույթ է` բազմաթիվ բացահայտումներով: Հրամանատարական կազմի համար նորակոչիկներին զինվորական գործին նախապատրաստելը պատասխանատու եւ ծավալուն աշխատանք է, միաժամանակ` հետաքրքիր:
Մեր զորամասի նորակոչիկները, նախքան զինվորական երդում ընդունելը, անցնում են 5-շաբաթյա դասընթացներ՝ կրակային գործնական պարապմունքներով: Բայց դա չի նշանակում, որ նրանք ազատ ժամանակ չեն ունենում: Հանգստյան օրերին շախմատ, վոլեյբոլ, ֆուտբոլ են խաղում, կամ էլ մասնակցում են զանազան մարզաձեւերից մրցումների:
Նորակոչիկների ձեռքերով ձեւավորել, մաքրել ենք զորամասի խաչքարի հարակից տարածքը, որտեղ տեղի է ունենալու երդման արարողությունը:
Լավագույնս աչքի ընկած նորակոչիկների ծնողներին արդեն հասցրել ենք շնորհակալական նամակներ ուղարկել:
Մեր նպատակը նորակոչիկներից կարգապահ, մասնագիտական բարձր պատրաստվածություն ունեցող զինվոր դաստիարակելն է, այնպիսի զինվոր, որը ցանկացած պահի, ցանկացած իրավիճակում, ցանկացած պայմաններում ի զորու կլինի կատարելու մարտական բարդ ու դժվարին առաջադրանք:
Խորագիր՝ #32 (1152) 24.08.2016 - 30.08.2016, Ազգային բանակ
