Երկրորդ համաշխարհային պատերազմի ժամանակ Ելիզավետա արքայադուստրը (Մեծ Բրիտանիայի ներկայիս թագուհին) ծառայում էր որպես սանիտարական մեքենայի վարորդ-մեխանիկ: Նրա ծառայությունը  տևել է հինգ ամիս:

***

Ցուտոմու Յամագուտի անունով ճապոնացին վերապրել է Ճապոնիայի Հիրոսիմա և Նագասակի քաղաքների ատոմային ռմբակոծությունները: Տղամարդը 2010թ.՝ 93 տարեկան հասակում մահացել է քաղցկեղից:

«Տիֆի   համաճարակ»

Երկրորդ համաշխարհային պատերազմի ժամանակ բժիշկ Եվգենիուշ Լազովսկին իր գործընկերների հետ հաջողել է 8000 հրեայի կյանք փրկել Հոլոքոստից: Վերջիններս բժշկի հորդորով ձևացրել են, թե քաղաքում տիֆի համաճարակ է՝ այդպիսով կասեցնելով թշնամու մուտքը քաղաք:

***

Հիտլերը ծրագրել էր Մոսկվան վերցնելուց հետո սպանել քաղաքի բոլոր բնակիչներին և քաղաքի տեղում արհեստական ջրամբար կառուցել:

***

Երկրորդ համաշխարհայինի ժամանակաշրջանի  այսպիսի ինքնաթիռների լուսանկարները շատ են: Իրականում դրանք այդքան գորշ ու մռայլ չէին, ինչպես սև ու սպիտակ լուսանկարում է երևում: Այս կործանիչները նուրբ-վարդագույն երանգ ունեին: Եվ դա պատահական չէ: Երկրորդ  համաշխարհային պատերազմի որոշ կործանիչներ այն աստիճանի մասնագիտացված էին, որ թռիչքն իրականացնում էին միայն օրվա որոշակի ժամերի: ԱՄՆ 16-րդ էսկադրիլիայի այս հրաշագեղ RAF  ինքնաթիռները մի մեծ առավելություն ունեին. դրանք գրեթե անտեսանելի  էին դառնում ինչպես արևածագի, այնպես էլ մայրամուտի ժամանակ:

Գիշերը մետրոյում

Կարծում եք այս լուսանկարում գազային գրոհի զոհե՞ր են: Ո՛չ, սա Երկրորդ համաշխարհայինի ժամանակ բրիտանացիների անցկացրած սովորական գիշերներից մեկն է: Երբ գերմանացիների ինքնաթիռային մարտարշավները Լոնդոնի երկնքով սկսեցին կանոնավոր դառնալ, բրիտանացիները արագ հարմարվեցին մետրոյի ներսում քնելուն: Այն ընթացքում, երբ գերմանացիները ռմբակոծում էին քաղաքը, բրիտանացիները համերաշխորեն ու խաղաղ ննջում էին:

Անթեւ ինքնաթիռը

Սա «Avenger» տորպեդակիրն է «Chichi Jima» -ի մոտակայքում մղվող մարտի ժամանակ: Ինքնաթիռը վարում է օդաչու Բոբ Քինգը: Նա չի ուզել տխրեցնել հարազատներին, ընկերներին ու ընտանիքին…այդ պատճառով հաջողել է իր անթև, վիրավոր ինքնաթիռը փրկել պտույտէջքից ու հասցնել մինչև օդակայան:

Սկաֆանդրներ նորածինների համար

Հակագազները հարմար չեն մանուկների համար, և այդուհանդերձ ինչ-որ կերպ պետք է երեխաներին պաշտպանել հնարավոր գազային գրոհներից: Երկրորդ համաշխարհային պատերազմի օրերին ստեղծվեցին երեխաներին գազային գրոհից պաշտպանելու հատուկ հարմարանքներ: Տեսեք, թե ինչպես են մայրերը հատուկ պոմպի միջոցով օդ մղում երեխաների համար նախատեսված սկաֆանդրների մեջ:

Պատրաստեց Քնար ԹԱԴԵՎՈՍՅԱՆԸ