ԱՆՑԿԱՑՎԵԼ Է ՈՒՍՈՒՄՆԱԿԱՆ ՀԱՎԱՔ
Բանակի կենտրոնական մարզական ակումբում զորամասերի ֆիզիկական պատրաստության պետերի մասնակցությամբ անցկացվել է ուսումնական հավաք, որին ՀՀ եւ ԼՂՀ զինված ուժերի փոխգործակցության շրջանակում մասնակցել են նաև պաշտպանության բանակի ներկայացուցիչները:
Բանակային զորամիավորումների և պաշտպանության բանակի զորամասերի ֆիզիակական պատրաստության պետերի 5-օրյա հավաքը միտված էր նրանց մասնագիտական պատրաստության, տեսական գիտելիքների և գործնական հմտությունների կատարելագործմանը:
ՀՀ զինված ուժերի ֆիզիկական պատրաստության և սպորտի բաժնի սպաները հավաքի մասնակիցներին ներկայացրել են սպորտի ոլորտում կատարված աշխատանքներն ու առաջիկայում ներդրվելիք նորամուծությունները:
Ստուգողական պարապմունքների միջոցով գնահատվել են մասնակիցների տեսական ու գործնական հմտությունները:
Ուսումնական հավաքի ընթացքում անցկացվել են նաև դասային որակավորման քննություններ:
