Հայերեն | На русском | In English
Նախապես հաստատված պլանի համաձայն՝ նախատեսվել էր անցկացնել սպորտային միջոցառումներ: Առաջնորդվելով «Առողջ մարմնում` առողջ հոգի» կարգախոսով` հունիս 26-ին Կապանի զորամասի հրամանատարությունը կազմակերպել էր բազմաբնույթ սպորտային խաղեր: Ուշագրավ է, որ մարզական տոնին մասնակցում էին նաև սպաները, որոնք իրենց ներկայությամբ է՛լ ավելի հետաքրքիր դարձրին միջոցառումը: Ստորաբաժանումների միջև կայացան մրցումներ՝ պարանի ձգում, վոլեյբոլ, սեղանի թենիս, ֆուտբոլ, բասկետբոլ, բազկամարտ, շախմատ, շաշկի մարզաձևերից: Մրցումների ընթացքում բարձր արդյունքներ ու ցուցանիշներ գրանցածները խրախուսվեցին վերադաս հրամանատարության պատրաստած պատվոգրերով, շնորհակալական նամակներով: Իսկ թիմային մարզաձևերում հաղթանակած թիմերը պարգևատրվեցին նաև տորթերով: Այս միջոցառումները կարևոր են նաև նրանով, որ մարզական խաղերը բարելավում են զինծառայողների ֆիզիկական պատրաստվածությունը, իսկ դա իր հերթին նպաստում է տվյալ գնդի կամ ստորաբաժանման բարձր մարտունակությանը:
Դավիթ ՄԱՐՏԻՐՈՍՅԱՆ
կրտսեր սերժանտ
