Language:

  • Հայերեն
  • Русский
  • English

ԼՈՒՅՍ Է ՏԵՍԵԼ ՊԱՏԱՍԽԱՆ՝ 100 ՏԱՐԻ ԱՆՑ ԽՈՐԱԳՐՈՎ ՊԱՏԿԵՐԱԳԻՐՔԸ



ՀՀ մշակույթի նախարարության, Հայոց ցեղասպանության 100-րդ տարելիցի միջոցառումները համակարգող պետական հանձնաժողովի եւ ՎիվաՍել-ՄՏՍ-ի աջակցությամբ Ե. Չարենցի անվան գրականության եւ արվեստի թանգարանը հրատարակել է «Պատասխան՝ 100  տարի անց» համալիր ծրագիրն ամփոփող համանուն պատկերագիրքը:

Այն ներառում է Հայոց ցեղասպանության տարիներին գրված անպատասխան տասը նամակ եւ հայ ու օտարազգի անվանի գործիչների 100 տարի անց դրանց ուղղված պատասխան-արձագանքները:

Պատկերագրքի երկրորդ բաժնում ներկայացված են Հայոց ցեղասպանության վավերագրերի թեմաներով «Անցյալը` ներկայում» կերպարվեստի աշխատանքների մրցույթի լավագույն քսան վավերաքանդակներն ու վավերանկարները: Պատկերագրքում ընդգրկվել են մեկ տասնյակից ավելի հեղինակների աշխատանքներ:

«Պատասխան՝ 100 տարի անց» պատկերագրքի գաղափարի եւ «Մենք կգանք» ստեղծագործության հեղինակը համալիր ծրագրի համակարգող Հասմիկ Հախվերդյանն է:

-Երբ նախագծի շրջանակում Գարեգին Խաժակի՝ 100 տարի առաջ գրված եւ անպատասխան մնացած վերջին նամակն ուղարկեցինք Թուրքիայում հայտնի մտավորական եւ գործարար Օսման Կավալային, նրանից առաջարկ ստացանք պատկերագիրքը թուրքերեն թարգմանաբար ներկայացնելու: Հայերեն-անգլերեն տարբերակը ի սկզբանե նախատեսված էր: Հուսանք՝ ֆրանսերեն եւ այլ լեզուներով եւս կթարգմանվի:

Հայոց ցեղասպանությունը մեր պատմությունն է: Եթե պատանին, նախքան զինվոր դառնալը, չիմանա, թե ինչպիսի թշնամիներով ենք մենք շրջապատված, արդյոք կարո՞ղ ենք վստահ լինել, որ պատմությունը չի կրկնվի… Ուստի պարտադիր եմ համարում այս պատկերագրքի առկայությունը յուրաքանչյուր դպրոցական գրադարանում:

ԼՈՒՅՍ Է ՏԵՍԵԼ ՊԱՏԱՍԽԱՆ՝ 100 ՏԱՐԻ ԱՆՑ ԽՈՐԱԳՐՈՎ ՊԱՏԿԵՐԱԳԻՐՔԸ

ԼՈՒՅՍ Է ՏԵՍԵԼ ՊԱՏԱՍԽԱՆ՝ 100 ՏԱՐԻ ԱՆՑ ԽՈՐԱԳՐՈՎ ՊԱՏԿԵՐԱԳԻՐՔԸ

ԼՈՒՅՍ Է ՏԵՍԵԼ ՊԱՏԱՍԽԱՆ՝ 100 ՏԱՐԻ ԱՆՑ ԽՈՐԱԳՐՈՎ ՊԱՏԿԵՐԱԳԻՐՔԸ

 

Գարիկ ԱՎԵՏԻՍՅԱՆ

Խորագիր՝ #20 (1140) 01.06.2016 - 07.06.2016, Հոգևոր-մշակութային


01/06/2016