ԿՐԱԿԻ՛Ր, ԶԻՆՎՈ՛Ր

Կրակի՛ր, զինվո՛ր, փրկի՛ր հայրենին,

Ջնջի՛ր  թշնամու վայրագ խուժանին,

Հեռո՛ւ շպրտիր նրան քո դիրքից,

Քո կյանքի՛  համար մենք աղոթում ենք:

Հրեղեն ծնունդ, դու հա՛յոց զինվոր,

Հիշի՛ր` արյունն ես անհաղթ Մոնթեի,

Որքան դավադի՛ր, նե՛նգ է թշնամին,

Հզոր  քո կամքը կոտրել չի  կարող:

Մի  քնի՛ր, զինվո՛ր, կրակի՛ր հուժկու,

Մի՛  թողնիր տունդ թշնամուն գերի,

Քո բազկի ուժը  ցո՛ւյց տուր աշխարհին,

Հաղթի՛ր թշնամուն հանուն մեր կյանքի:

Քո ոտքերի  տակ  հողն է հայկական,

Նա է ուժ  տալիս քո երակներին,

Կռվում է մայրդ  քեզ հետ հավասար,

Կրակի՛ր, զինվո՛ր, փրկի՛ր հայրենին:

Քո  բազուկներում  կանչն է արիական,

Քեզ միացել է ջիղը պապերիդ,

Զորացի՛ր, զինվո՛ր,  քո մանկան ճիչով,

Ոգեղե՛ն զինվոր, փրկի՛ր հայրենին:

ԽԱՆԴՈՒԹ

03.04.16 թ.