Հայերեն | На русском | In English
«ՏԻՌԱՍ» լրատվական գործակալության տարածած լրատվության համաձայն՝ օրերս Մոսկվայում կայացել է Ռուսաստանի թալիշների ակտիվի նիստը, որի մասնակիցները միանշանակ հավանություն են տվել թալիշական սփյուռքը ղեկավարող Իսմայիլ Շաբանովի և հեղինակավոր մտավորական, թալիշական շարժման առաջնորդ, քաղաքագետ Ֆախրադդին Աբոսզոդայի ելույթներին: Ըստ գործակալության՝ հավաքվածները դատապարտել են իրենց ազգային շարժման առաջնորդներին, նրանց ընտանիքի անդամներին բարոյահոգեբանական, ֆիզիկական ճնշումների ենթարկելու՝ Բաքվի իշխանությունների փորձերը: Նրանք իրենց պատրաստակամությունն են հայտնել շարունակելու պայքարը հանուն անկախ Թալիշստանի: Ընդ որում, նրանք առանձնապես ընդգծել են, որ ահաբեկչական գործողությունների դեպքում թալիշները կգտնեն Բաքվին համարժեք պատասխան տալու միջոցները:
Առաջիկայում, հայտնում է գործակալությունը, թալիշական սփյուռքի առաջնորդները մամուլի ասուլիս կհրավիրեն, որի ժամանակ մանրամասն կներկայացնեն ստեղծված իրավիճակն ու իրենց ձեռնարկելիք քայլերը: