Language:

  • Հայերեն
  • Русский
  • English

ԿԱՅԱՑԱՎ ԳՐՈՂ, ՀՐԱՊԱՐԱԿԱԽՈՍ, ԱԶԱՏԱՄԱՐՏԻԿ ԷԴՈՒԱՐԴ ԽԱՉԻԿՅԱՆԻ ԳՐՔԻ ՇՆՈՐՀԱՆԴԵՍԸ



Երեւանի քաղաքապետարանի Ավետիք Իսահակյանի անվան կենտրոնական գրադարանում տեղի ունեցավ Էդուարդ Խաչիկյանի հերթական` «Երբ արեւը մայր մտավ լուսաբացին» գրքի շնորհանդեսը:

Գրքում արտացոլված է շապինգարահիսարցիների հերոսամարտը: Վեպի սյուժեն հիմնված է իրական փաստերի վրա. հեղինակն օգտվել է մի շարք փաստավավերագրական աղբյուրներից:

Բացման ու ողջույնի խոսքով հանդես եկավ ԵՊՀ հայ բանասիրության ֆակուլտետի հայոց լեզվի պատմության ամբիոնի դասախոս Ռուբեն Սաքապետոյանը, որը նաեւ գրքի արեւմտահայերեն մասի խմբագիրն է: Այնուհետեւ ելույթներ ունեցան Հայաստանի Գրողների միության նախագահ Էդուարդ Միլիտոնյանը, հեղինակի գործընկերներն ու մտերիմները:

Միջոցառման ավարտին շնորհակալական ու ամփոփիչ խոսքով հանդես եկավ Էդուարդ Խաչիկյանը: Ազատամարտիկ գրողն ընդգծեց, որ մոտ ապագայում ընթերցողին կներկայանա նոր գրքերով:

Գարիկ ԱՎԵՏԻՍՅԱՆ

Խորագիր՝ #08 (1077) 5.03.2015 – 11.03.2015, Հոգևոր-մշակութային


05/03/2015