ԶՈՐԱՎԱՐ ԱՆԴՐԱՆԻԿ

ԶՈՐԱՎԱՐ ԱՆԴՐԱՆԻԿ

(երգ)

Պատվի համար ու մեր փառքի

Գնով կյանքի ու զրկանքի

Ու երդումով իր անսասան

Լեռը ելավ նա սրբազան:

Ելավ այնտեղ, ուր հայ հոգին

Չէր հանդուրժում անարգ թուրքին,

Ու Լեռնեցի ծուռ սասունցին

Տեր էր կանգնել հայոց դատին:

Եկավ որդու խոնարհությամբ,

Եկավ տիրոջ իր զորությամբ,

Դարձավ զինվոր ու զորավար,

Դարձավ փրկիչ ազգի համար:

Աշխարհում շատ զորավարներ

Ալեքսանդրեր, Նապոլեոններ

Փառք են կերտել և մեծ անուն

Իրենց երկրում ու աշխարհում:

Սակայն չկա մի զորավար,

Որի համար ամեն մի այր

Ամեն փրկված որբ ու գերի

Գինն ունենա դափնիների:

Թող միշտ դողա նենգ թշնամին,

Որ կանգնած է մեր սահմանին,

Թող միշտ ցնծա հայ ազգը մեր,

Որ ծնել է Անդրանիկներ:

ՌԱՖԱՅԵԼ ՄԵՍՐՈՊՅԱՆ
փոխգնդապետ