Language:

  • Հայերեն
  • Русский
  • English

ՄԵԶ ԳՐՈՒՄ ԵՆ



Հարգելի խմբագրություն

Մեր որդին՝ նորակոչիկ Խ. Հակոբյանը, ունի առողջական խնդիրներ, սակայն ճանաչվել է պիտանի ծառայության համար որոշակի սահմանափակումով:

Իհարկե, մենք շատ ուրախ կլինեինք, եթե մեր որդին առողջ լիներ, եւ առանց մեկ րոպե իսկ վարանելու նրան կճանապարհեինք բանակ:

Մեր այս մտահոգությամբ դիմեցինք ՀՀ պաշտպանության նախարարին առընթեր հասարակական խորհուրդ, որտեղ քննարկվում են զինակոչիկների դիմում-բողոքները: Հանձնաժողովը ուշադիր լսեց մեր պահանջը, ապա ներկայացված բժշկական փաստաթղթերը մանրակրկիտ ուսումնասիրելուց հետո որոշեց միջնորդել, որ մեր որդին կրկին բժշկական քննության ենթարկվի:

«Հայ զինվոր» թերթի միջոցով ցանկանում ենք շնորհակալության ջերմ խոսքեր հայտնել ՀՀ պաշտպանության նախարարին առընթեր հասարակական խորհրդի նախագահ Գեղամ Հարությունյանին, Գ Թեփելիկյանին, իրավաբան Ադելինա Դավթյանին, հանձնաժողովի մյուս անդամներին՝ բարեխիղճ եւ սրտացավ վերաբերմունքի համար:

Երբ զինակոչիկի, զինվորի ծնողի դիմումը, խնդրանքը կամ բողոքը արդարացի ընթացք է ստանում, նման դեպքում է՛լ ավելի է ամրանում վստահությունդ բանակի հանդեպ:

Հարգանքներով՝ Հակոբյաններ
Գեղարքունիքի մարզ

Խորագիր՝ #04 (1073) 5.02.2015 – 11.02.2015, Բանակ և հասարակություն


05/02/2015