ՄԻԳ-29 կործանիչների վերանորոգված խմբաքանակը արդեն գտնվում է Հայաստանի Հանրապետության «Էրեբունի» ավիակենտրոնում: Այս մասին այսօր տեղեկացրել է Հարավային ռազմական մարզի մամուլի ծառայության ղեկավար, գնդապետ Իգոր Գորուբլը:

Տարեսկզբից ՄԻԳ-29 կործանիչների օդաչուները անցկացրել են 50-ից ավելի օդային ուսումնական մարտեր` 500-ից մինչև 8000 մետր բարձրության պայմաններում:

Հավելենք, որ ՄԻԳ-29 կործանիչները նախատեսված են օդային տարածքում առավելության հասնելու, գերճշգրիտ կառավարվող զենքի միջոցով ցամաքային թիրախների ոչնչացման, ինչպես նաև ցանկացած պայմաններում հակառակորդի հակաօդային պաշտպանության համակարգերի դեմ պայքարելու համար: