ԱԿՆԹԱՐԹՆԵՐ ՄԱՐՏԱՎԱՐԱՇԱՐԱՅԻՆ ՊԱՐԱՊՄՈՒՆՔՆԵՐԻՑ
Փետրվարի 17-ին ազգային բանակում մեկնարկեց 2014թ. ուսումնական տարին։ Զորամասերում տոնական միտինգներին հաջորդեցին եռօրյա (քառօրյա) մարտավարաշարային պարապմունքները։ Մարտական պատրաստականության տեսակետից տագնապի ազդանշանով սկսվող այս պարապմունքների ընթացքում կարևորվում են հրամանատարների (սկսած ջոկի հրամանատարից) հմտությունները, ստորաբաժանումների գործողությունների ճշգրտությունը, հստակությունը, արագությունը։ Հատկանիշներ, որոնց մենք ականատես եղանք գնդապետ Արմեն Հարությունյանի հրամանատարությամբ գործող զորամասում։ Հրետանավորներն ապացուցեցին, որ զինված են խոր ու համակողմանի գիտելիքներով և ճիշտ ժամանակին կարող են հայտնվել նշանակված տեղում և սկսել մարտական գործողությունները։
«Տագնապ» ազդանշանը տրված է: Սպառազեն մարտկոցը շտապում է մեքենայական պարկ:
Ստորաբաժանումներն իրենց հետ տանում են զինամթերք, ուսումնանյութական միջոցներ:
Արագությունը հաջողության գրավականն է:
Հրամանատարը ղեկավարում է մարտական տագնապը:
Բեռնաբարձում. պատրաստվում են երթի:
Հաշվարկների հրամանատարները տեղում են եւ սպասում են հաջորդ հրամանին:
Մեխանիկ-վարորդները մեքենաների գործարկումից առաջ:
Երթը դեպի նստեցման շրջան սկսված է:
Ա. ՆԵՐՍԻՍՅԱՆ
փոխգնդապետ
Լուս.՝ Գ. ԱՐՄԵՆԱԿՅԱՆԻ
կապիտան
