Մայքլ Տեր-Պողոսյան (1925-1996), ամերիկահայ ֆիզիկոս, հայտնագործել է պոզիտրոնային-էմիսիոն տոմոգրաֆիան: Ծնվել է Ֆրանսիայում, ավելի ուշ տեղափոխվել է ԱՄՆ` դառնալով Վաշինգտոնի բժշկական համալսարանի անդամ: Նրա հայտնագործությունները կարևոր նշանակություն են ունեցել բժշկական ախտորոշման զարգացման համար:

♦♦♦

Ստեփան Ստեփանյան, հայտնագործել է բետոնախառնիչ մեքենան:

♦♦♦

Ռայմոնդ Վահան Դամադյան, հայտնագործել է սքանավորման մագնիսառեզոնանսային մեքենան:

♦♦♦

Լյութեր Ջորջ Սիմիջյան, հայտնագործել է բանկոմատը: Բազմաթիվ հայտնագործությունների հեղինակ է, որոնցից ավելի քան 200-ը` լուսանկարչության ոլորտում:

♦♦♦

Պիտեր Ոսբիկյան, հայտնագործել է հատակն առանց մարդու մաքրող շվաբրը:

♦♦♦

Բորիս Բաբայան /ծնվ. 1933թ./, ԽՍՀՄ և ՌԴ գիտնական, մանկավարժ, հաշվողական տեխնիկայի մշակող, 1984-ից ԽՍՀՄ Գիտությունների ակադեմիայի, 1991-ից` ՌԴ Գիտությունների ակադեմիայի թղթակից անդամ: Հաշվողական համալիրների, համակարգչային ծրագրային ապահովման ստեղծման ճարտարապետական սկզբունքների վերաբերյալ աշխատությունների հեղինակ: Պետական (1974) և Լենինյան (1987) մրցանակների դափնեկիր: Առաջին եվրոպացի գիտնականն է, որն արժանացել է Intel Fellow կոչման:

Պատրաստեց ՆԱԻՐԱ ՄԿՐՏՉՅԱՆԸ