Language:

  • Հայերեն
  • Русский
  • English

ՄԱՍՆԱԳԻՏԱԿԱՆ ՀԱՎԱՔ – ԽՈՐՀԴԱԿՑՈՒԹՅՈՒՆ



Հուլիսի 13-ին Վ. Սարգսյանի անվան ռազմական ինստիտուտում անցկացվեց զորքերի ծառայության մեթոդական հավաք – խորհրդակցություն` ՀՀ ԶՈՒ 2013թ. ուսումնական տարվա պատրաստության պլանի համաձայն: Հավաք խորհրդակցության նպատակն էր հաշվետվություն ներկայացնել ՀՀ պաշտպանության նախարարի կողմից զորքերի ծառայության մասով տրված հանձնարարականների կատարման ընթացքի, ինչպես նաև ձեռքբերումների ու բացթողումների մասին:

Հավաք խորհրդակցությանը մասնակցում էին ՀՀ ԶՈՒ ԲԿ շտաբների պետերի` զորքերի ծառայության գծով տեղակալները, ինչպես նաև ԶՈՒ ԳՇ վարչությունների` ենթակա զորամասերում զորքերի ծառայությունն ուղղորդող սպաներն ու զորքերի ծառայության վարչության անձնակազմը:

Հավաք խորհրդակցությանը բացման խոսքով հանդես եկավ ՀՀ ԶՈՒ ԳՇ ԶԾ և ԶԾԱ ապահովման վարչության պետ, գնդապետ Հ. Կարապետյանը:

2013թ. առաջին կիսամյակում ծառայության մասով ձեռքբերումների ու բացթողումների մասին զեկույցներով հանդես եկան ԲԿ շտաբների պետերի` զորքերի ծառայության գծով տեղակալները, ԶԾ և ԶԾԱ ապահովման վարչության բաժնի պետերը:

Ծառայության պատասխանատուների առջև խնդիր դրվեց սահմանված ժամկետում ամփոփել ԶԾ և ԶԾԱ ապահովման 2013թ. առաջին կիսամյակի արդյունքները և երկրորդ կիսամյակում կտրուկ բարձրացնել զորքերի ծառայության սպաների տեսական գիտելիքների մակարդակը` զորքերի ծառայության կազմակերպման ոլորտում:

Լուս.՝ Ա.ՎԱՐԴԱՆՅԱՆԻ

Խորագիր՝ #28 (995) 18.07.2013 – 24.07.2013, Ազգային բանակ


18/07/2013