ՖՈՒՏԲՈԼԱՅԻՆ ԺՊԻՏ
– Պարոն մարզի՛չ, իմ բժիշկն ասել է, որ ես չեմ կարող ֆուտբոլ խաղալ:
– Պետք չէր բժշկի մոտ գնալ, ես ինքս էլ դա կարող էի ասել:
♦♦♦
Ֆուտբոլիստն ուրախ դիմում է կնոջը.
– Ես այսօր լավագույնն էի. խփեցի երկու գոլ:
– Հրաշալի է, իսկ խաղն ինչպե՞ս ավարտվեց:
– 1-1:
♦♦♦
Բրազիլիան գնել է հայկական ֆուտբոլի երկու շատ լավ հարձակվողների: Այժմ այդ ամուր երիտասարդներն օրական 18 ժամ աշխատում են սուրճի պլանտացիաներում:
♦♦♦
Ֆուտբոլային խաղից առաջ կանանց թիմի մարզիչը տալիս է վերջին հրահանգները.
– Կրկին նախազգուշացնում եմ, որ խաղի ժամանակ շրթներկ չօգտագործեք, չշատախոսեք եւ սերիալներ չպատմեք:
– Այդ դեպքում ինչո՞վ զբաղվենք,- զարմացան կանայք:
♦♦♦
Կինը սիրեկանի հետ է։ Գալիս է ամուսինը։ Սիրեկանն արագ թաքնվում է հեռուստացույցի ետևում։ Ամուսինը միացնում է հեռուստացույցը, նստում բազմոցին ու ֆուտբոլ դիտում։ Կինը հուզմունքը թաքցնելու համար հեռանում է խոհանոց։ Քիչ անց վազելով խոհանոց է մտնում ամուսինը.
– Կնի՛կ, ասեմ` չես հավատա։ Նոր մերոնցից մեկին մրցավարը դաշտից հեռացրեց` վարտիքով կողքովս անցավ։
ՏԱՎՐՈՍ ԱՎԱԳՅԱՆ
ավագ լեյտենանտ
