Հայերեն | На русском | In English
Զովունու Ռուբիկ Բաղդասարյանի անվան միջնակարգ դպրոցում օրերս կազմակերպվեց միջոցառում՝ նվիրված Արցախյան ազատամարտին և 44-օրյա պատերազմին: Այս կրթօջախում, որտեղ նմանատիպ հայրենասիրական միջոցառումները հաճախակի բնույթ են կրում, վերջին մեկ ամիսը հայտարարված է բաց դասերի օր՝ նվիրված հայրենիքի թեմային:
Միջոցառման մասնակիցներն իրենց սրտի ջերմ խոսքերը հղեցին սահմաններն անառիկ պահող քաջերին:
-Մեր կրթօջախում աշակերտները խորացված ուսումնասիրում են հայոց պատմությունը, ծանոթանում մեր նախնիների սխրանքներին և իրենք էլ դաստիարակվում են նախնյաց հաղթական ոգով: Նաև մեր պատմության գերազանց իմացությամբ կարող ենք հզորացնել մեր հայրենիքը,- ասում է դպրոցի տնօրեն Հասմիկ Հարությունյանը:
Հայրենասիրական դաստիարակության շնորհիվ է նաև, որ կրթօջախի տասնյակ շրջանավարտներ մասնակցել են արցախյան 44-օրյա պատերազմին, որոնցից տասնչորսը իրենց կյանքը չեն խնայել հայրենիքի համար մղված մարտերում։
ԼԱՈՒՐԱ ՄԱՄՅԱՆ